mostrar v.

to show, to instruct, to indicate, to present, to discover, to explain, to demonstrate, to prove

No mostres ande pishas ke utro va e se kaga

Ami me mostraron un grande trezoro (Gaon, Poezias)

Bruklof la umilde mostra seer kalma. (Gaon, Poezias)

i todos sus djestos mostran jentileza (Gaon, Poezias)

Nuestro sakramento mostra el sendero (Gaon, Poezias)

Elenos vinieron mostrar sus malisia (Gaon, Poezias)

el rio mostro un espejo en su agua klara, (Papo, Navot)

Mostrad loke es verdad, bushkad siempre la buendad. (8 dias antes de Pesah, 1909)

agradeses el karnero ke le mostrates, i no olvidas el padre ke aprevates. (Im afes, Papo 1894)

Le respondio su padre: El Dio mos apiadara i tambien el karnero El mo lo mostrara; (Puertas de veluntad)

Avrieronse los sielos / mostrarmos ke ay un Dio / mos apedreo kon yelos / por puntos non mos undio (La Epoka, Sal. 1898)

Kuando todas las kriaturas se van adjuntar / i por azer bien todo ombre se va aprontar / todos los djudios se van alegrar / i kada uno jenerozo se va mostrar (La Amerika, 1916)

Disho el rey: venid verash las rikezas mias, ke por tanto no me estimarias; esto fue siento i ochenta dias asta ke no kedo ke mostrar, no. (sova semahot, Livorno 1782)

Para el sol puzo tienda en eyos. (Biblia, Const. 1873)

i uviere en el lugar de la sarna inchasion blanka, o mancha klara blanka envermejesida, sera mostrado al saserdote. ( Biblia, Const. 1873)

Komo ningun ombre no konsiente a mostrar publikamente el amor de la noshe ke tiene por eyas, (La dam o kamelia)

Na, el es tambien mi ermano, kontinuo Ektor en mostrando a Andre. (Banyos de sangre, 1912)

Si, en verdad, respondio Ektor en sonriendo i mostrando un sinyo de asko. (Banyos de sangre, 1912)

Si Virdjinia estava kayada o no keria mamar o komer i le mostravan a Pavlo, la ijika se levantava alegre (Pavlo i Virdjinia, 1912)

Es el penserio ke tu te vas a mostrar por la primera vez delantre el mundo... (Rolando i Eleonora, 1953)

Sus manos eran blankas i chikas i todo en su kaminar i su vista mostrava ke el era desendiente de una buena famiya. (Leonidas el nadador, 1911)

A las diez manko sinko el doktor Seballos, kitando su ora del pecho en mizmo tiempo ke mostrandomos la ora ke era en la pared de la kamara, nos disho: (El muerto ke esta bivo, 1912)

Mostri mi kapo de ovra a las personas mayores i les pregunti si mi pintura les dava miedo.(El Princhipiko, 2010)

mientras ke eyos kuzian endjuntos eyos kantavan kantes alegres, mostrando sus grande kontentes de sus ofisio i de sus estado (El rey i el shastre, Yerushalayim 1903)

Exempios semejantes no son raros en nuestra kolonia i esto no lo dezimos por mostrar nuestra retorika ma para atirar la atansion de el puevlo sovre el fato ke mientres ke sefaradim estan ambrientos en New York (La Boz del Puevlo, 1918)

Nuestro korrespondiente nos dize ke el mansevo en kestion mostrava un anunsio de el S.R.C en el kual el sekretario otorizava stupidamente a kualunke individuo de rekojer moneda a su nombre (La Boz del Puevlo, 1918)

El fakino le mostrava una grande farmasia (ezane) , i le dava las gayinas al vendedor por ke se las trushera asta ayi. (Hamal Izidor, Istanbul 1930)

el avia pozado sovre su kavesa un kaskete i se lo apretava por no darse tanto a konoser, un poko de barva postiza pozada sovre su figura no mostravan del todo ke era el (El prove doktor, Const. 1904)

enel mez de muharem eyos tambien deven mostrar tristeza i luto por la muerte de Hasan i de Husein, batirsen sovre sus pechaduras (El Tiempo, 1896)

nalo ke ya viene! grito el doktor en mostrando un mansevo ke pasava enfrente la kaye (Anna Maria, Yerushalayim 1905)

Charlie el riko, el milionario non podia olvidar su chikes ke paso adientro la mizeria i kaji en todos sus filmos el mostrava shenas semejantes. Ansi tambien es su oltimo filmo. (La boz de Yerushalayim, Yerush. 1953-4)

Charlie el riko, el milionario non podia olvidar su chikes ke paso adientro la mizeria i kaji en todos sus filmos el mostrava shenas semejantes. Ansi tambien es su oltimo filmo. (La boz de Yerushalayim, Yerush. 1953-4)

el mostro mas patriotismo i mas kerensia por el governo otomano en esta dezgrasiada diferensia kon los ruses (El Tiempo, Const. 1877)

todos los pasos menesrerozos van a ser echos para mostrar al Asir si el puede pasar del limito permetido en kuestiones de derito i apresiar un djuzgo antes ke una setensia sea dada (La Epoka, Sal. 1900)

ala manyana se desperto el rav i tanto hue su alegria ke korto el taanit el i la djente de su kaza i izo a toda la sivdad ke koman i bevan a gusto i el Sh.Yit. el mostrara sus maraviyas i les dio buena avtaha (manus. Papo, Sarajevo 1840)