moneda f.

money, currency, coins; fortune

amontonar moneda

לצבור הון

entradiko/ka en moneda

בעל ממון, עשיר, אמיד

moneda falsa

מטבע מזוייף

moneda hazina

מטבע פגום

moneda silik

מטבע שחוק

vale bolsas de moneda

לא יסולא בפז, שווה הון תועפות

moneda de plata; mo­neda de oro; moneda de kovre (Nehama)

el Dio no tiene moneda, tiene modos i manera (Nehama)

Kon la moneda todo se alkansa (Moscona)

A munchos aze sombayar la moneda, tambien korasones de reyes los abolta (Moscona)

Moneda ekonomizada vale kuatro vezes ganada

El ke kaza por la moneda, eya se va, la mujer keda

El tienpo es moneda si las tienes muy pronta

Mal ke se akava kon moneda no es mal

todos se enkantan ken le da moneda (Gaon, Poezias)

en su morada a su torno, gastando de vuestra moneda. (Odisea)

Si nozotros lo puedemos venser a poder de moneda (La segunda Ester, 1911)

Sin seer ipokrito kon razon echar grito: fin kuando vas atemar la moneda del djudio tomar? (8 dias antes de Pesah, 1909)

Afin d'arresivir la moneda prometida, ke le permeteria d'amijorar su vida. ('Ha-Elion: Shimshon, 2003)

Moneda te daremos, en oro, abondante. ('Ha-Elion: Shimshon, 2003)

lo ke me da a pensar es la prometa de una grande suma de moneda ke el me aze kontra livrizones de siertos planos importantes ke se toparan al poder de mi komandante (El Triomfo de la Djustisia, Sal 1921)

de su moneda ni de su korason ninguno tiene provecho / i para kualo le dates los dos Padre mio? (Rekolyo de Poezias Diversas, Tel Aviv 1931)

I kuando aki vinites i ke lavor tuvites / muncha moneda izites / ma kualo avansates i a ken ayudates / de tanta moneda ke ganates? (La Amerika, 1914)

Kuando tu partites, i de tu sivdad salites / a tus djenitores dishites: / yo vos ayudare, muncha moneda ganare / i siempre a vozotros pensare (La Amerika, 1914)

diziendo a kojer moneda / de muncho ke no tenia devda / lo aprezo al ke no tenia devda / diziendo kon mal los desnudo (manus. Teza, 1820)

mando a dezir si ay mas shohad angusio a djudio i no aher / lo komio moneda de ribi Avraam Elkahed / doblado se las mandara el Dio (manus. Teza, 1820)

ke no esta dekolgado su grandeza en moneda, (Meam Loez Bereshit)

no konviene ke la djente de la sivdad desbolsen moneda para regmir su pariente. (Meam Loez Bereshit)

ternia muncha kovdisia en la moneda demaziada-mente, (Meam Loez Bereshit)

Le respondio dito ombre: porke a mi me manka moneda, ke tengo ahteza de vender dito livro i merkar otro? (Shivhe 'ha-Ari, 1911)

i el les dio kredito i por pereza i neglijensia desho de ver si estava djusta la kuenta de la moneda i el pezo (Hovot 'ha-Levavot, Const. 1569)

i era akel moso sezudo i agudo en kuanto le enkomendo el rey, i akeyos ombres de kien avia de resivir de eyos la moneda afalagaronlo … kon palavras (Hovot 'ha-Levavot, Const. 1569)

le demandi yo … si tiene moneda de dukado, respondio: ya tengo una minsa, tomi la minsa i le tomi la mano de la muchacha i le dishe: mekudeshet be-dinar ze (Divre Shemuel, 1891)

ke no eskatiman la moneda (ve-'Hohiah Avraam, Izmir 1877)

Kon esto pudo enreinar kon dar moneda demaziada para ke lo resivieran por rey (Meam Loez Ester, Izmir 1864)

ke ansi es pertenesiente a el ombre por bushkar resentimiento, i fuyga muncho por non esparzir su alma ke es su moneda (Pele Yoets I, Viena 1870)

La moneda de kada uno estava en la boka de su kostal (Biblia, Const. 1873)

I moneda doble tomad en vuestra mano (Biblia, Const. 1873)

I la moneda tornada en la boka de vuestros kostales (Biblia, Const. 1873)

Vinieron reyes i pelearon, entonses pelearon los reyes de Kenaan en Taanah a las aguas de Megido; ninguna ganansia de moneda tomaron. (Biblia, Const. 1873)

Eya tenia un poko de moneda, kon la kuala merko un negro ke le lavorava la tierra. (Pavlo i Virdjinia, 1912)

El echava enfrente su kamiza i komo una lansa rondjada ala mar, el iva en el fondo kitar la pieza de moneda. (Leonidas el nadador, 1911)

para poder bivir el mizmo despues de aver mandado de kontino una chika suma de moneda a su mujer i a su ija, ke eran esklavas en Psara. (Leonidas el nadador, 1911)

En verdad eyos tambien son polvo i aire ma teniendo las aldikeras yenas de moneda, de plata i oro i sus punyos serrados tan fuerte enfrente de los menesteres de los evionim, nunka bolaran... (Otniel Hodja, 2002)

Ay espanto ke en akojendo moneda el S.R.C va despareser de la harta de nuestras organizasiones i la moneda desparesera tambien kon el (La Boz del Puevlo, 1918)

Un padre de famiya ke embezo el mal manadjamiento de la moneda por el ''Sephardic relief committee'', se adreso ultimamente a nuestra redaksion i kon lagrimas en los ojos nos disho ke a su tiempo kontribuyo 5 dolares a el ''Sephardic relief committee'' (La Boz del Puevlo, 1918)

Ya basta! Esto es eskandalozo! La moneda ke el ''Sephardic relief committee'' tomo fue dada por el puevlo ke gana su pan a la sudor de su frente. (La Boz del Puevlo, 1918)

una kasha de esparmio sierve a resivir las mas chikas sumas de moneda de kualunke persona ke kere depozitar (La Epoka, Sal. 1875)

la moneda es rijida de algunos merkaderes rikos de la sivdad ke djentilmente se prestan sin dinguna paga los kualos apartan un dia a la semana para resivir los depozitos (La Epoka, Sal. 1875)

dezde manyana yo esto rekojendo toda mi moneda i me vo ir a Londra, yo me espanto no me akuzen (El prove doktor, Const. 1904)

en aziendo agora apelo yo no esto seguro de ganar, ma en aziendo bushkidas kon gastar moneda puede ser parvengo a topar algunas provas (El prove doktor, Const. 1904)

sinyor Jilbert, apelo! apelo! apunto vash a azer apelo (temyiz) , yo topi remedio de moneda i apunto devesh azerlo (El prove doktor, Const. 1904)

munchos de eyos se mantienen del ofisio de kambiar moneda i de algunos chikos trafikos (El Tiempo, 1896)

El adjunta ke no es djusto ke kon la fuersa de la moneda, enganie al padre i a la ija i los ovliga echarsen siegamente al abismo. (La Boz de Turkiye, Istanbul 1948)

El novio perkura a darle moneda por ke el este kayado; el refuza i korre al telefon por prevenir la polisia. (La Boz de Turkiye, Istanbul 1948)

El Dio no aze monedas aze modos i maneras, ay 23 anyos ke so kazada i no tengo kriaturas (La famoza kantadera, Tel Aviv 1950)

i por mas kolaylik se va dar la moneda de pishin (El Tiempo. Const. 1874)

S'avrio la bolsika i empesaron, a una a una, a una a una, a kayer las monedas. (Djoha ke dize)

Ansi son los reshaim ke kitan monedas de tsadikim. (Hidot de Izopeto)

Vos dire un mashal ake asemeja los ramaim ke kitan monedas de los tsadikim kon edim falsos. (Hidot de Izopeto)

Yako acheto el presio, arrekojó la moneda, le batió la espalda del mansevo i aziendole reveranses lo mando kon la pinturia (Sipure Sefarad)

El mansevo se metió a riir i disho: Kualo es una moneda de oro?!, (Kuentos, 1986)

El mansevo, viendo esto, bushkó lavor para ganar la moneda, (Kuentos, 1986)

de todos los modos mozotros salimos enganchados i enkanpados ke ansi le dimos una karta kon firmas i moneda i le dishimos: vate, del bien lo topes (manus. Papo, Sarajevo 1840)

el karselero, kualo de piadad, i kualo por la moneda ke tomo, hue i lo yamo i le vino el shamash ayi (manus. Papo, Sarajevo 1840)

ke a todo lugar ke vas ke te governen kon moneda i mazon; i 500 gro' te damos, i si tu korason lo tienes temerozo i apegado kon el Sh.Yit. enel djudesmo el Dio te amostre kamino bueno i onde ke iras prosperaras (manus. Papo, Sarajevo 1840)

ke ansi agora vinieron los djidios enemigos del Yeshu kon sonbaimientos i kon akometerme moneda kerian kitarme de mi ley ke esto yo muy kontente en eya i mi korason apegado kon Yeshu (manus. Papo, Sarajevo 1840)

no kero largar palavras, mira las kartas ke me dieron i 500 gro' de moneda blanka me dieron en la mano, i ken save a kuantos arian de este modo a kitarlos del la ley de Yeshu (manus. Papo, Sarajevo 1840)

i lo tenian por hen esto kada anyo kon goral a ken le kaiya el mazal i no pudieron de baldar esta gezera kon moneda de ninguna manera (manus. Papo, Sarajevo 1840)

Segula el ke envelunta a irse a las londjuras ke le de a el su amigo alguna estanpa de moneda i ke aga en eya siman i es ke la aburake la moneda en la mezuzá i ke diga en esta lashon: ek yo te do a ti moneda esta ke seas mi shaliah i kuando vernas a la morada de tu veluntad ke lo eches a tsedaká (manus. Papo, Sarajevo 1840)