apuntar v.

to point at; direct, to aim; emphasize; to punctuate; to follow the reading (torah) to direct oneself's attention to-; to set, attach, to stab with a pin; to hint; appear; to fix

kien apunta las estreyas le salen barrugas (Nehama)

de onde apunta el sol (Nehama)

Lo ke vee kon el ojo apunta kon el dedo

Avlar sin pensar es tirar sin apuntar

no estar apuntando kon su mujer a gritarla i pelear kon eya por kual ker yero ke aze, (Meam Loez Bereshit)

Asegun el musafir ke le viene ansi sortian las komidas, ke en siendo djente muy estimados apuntan a meter las komidas muy estimadas i kuando son las djente mas basha no apuntan tanto (Meam Loez Ester, Izmir 1864)

I esto fue por amostrar al mundo ke les izo kavod demaziadamente siendo la regla de los rikos es apuntar i tener muncho kargo de sus guertas (Meam Loez Ester, Izmir 1864)

En este momento los dos kavayos se kedaron bruskamente apuntando las orejas en alto; (Banyos de sangre, 1912)

Kale apuntar djuntos kon esto, ke el proseso de eskayimiento del ladino ya avia empesado largos anyos atras i se esta kumpliendo en muestros dias. (Aki Yerushalayim, 2019)

kale apuntar ke en la korespondensia familiala, se nota el pasaje al uzo de letras latinas, jeneralmente sigun la ortografia franseza, lo ke reflekta la influensa de los estudios en fransez en las eskolas modernas de la sivdad). (Aki Yerushalayim, 2019)

segula: el ke aze seuda i envelunta para saver ken lo ama i ken lo aborrese ke apunte en el panyo de meza una aguja ke kuzieron kon eya tahrihim de muerto i ken ke te aborrese non podra por komer (manus. Papo, Sarajevo 1840)

Segula para saver si ay agua en el vino o en el vinagre: untara una mansana kon azeite, despues ke la apunte en un palo i ke la enkashe en el vino o en el vinagre i ke la sake. Si faya enriva gotas ke sepa ke ay agua (manus. Papo, Sarajevo 1840)