mansevo m.

lad; bachelor

kazarse manseva

להנשא בגיל צעיר מאוד

kedar mansevo

להשאר ברווקותו

mansevo de kezo fresko

רברבן

mansevo de kovrar ventura

בחור שהגיע לפרקו

mansevo del dor (ebr.)

בן הדור, בחור אפנתי/בן הזמן

mansevo luzio

עלם כלול בכל המעלות

mansevo!

הפנית תשומת ליבו של איש צעיר: שמע נא בחור!

murió mansevo

מת בדמי ימיו

salir mansevo

נגלה כאדם אמיץ ונדיב

tener ijos manseva

ילדה ילדים בעודנה צעירה לימים

yoradlo ke se murió mansevo

בכו לו לזה שנפטר בטרם עת

Ke bushkas manseva en el bodre del rio (Moscona)

Mansevo leon, kazado kagon

El mansevo por no saver, el viejo por no poder, deshan las kozas perder

Kuando el mansevo se va por lo veinte se aze un leon fuerte

Komer kon viejos i dormir kon mansevos

Los anyos son para el konsejo, las aksiones para el mansevo

El mansevo por dolor, el viejo por onor

Ermozura enganya los korasones de los mansevos ama el dinero i fama sonbaya los bovos

El arvoliko s'enderecha kuando es mansevo

Mosas i mansevos tovajas de manos

i ayi mansevos de los deredores (Gaon, Poezias)

i muchos mansevos aven rekerido (Gaon, Poezias)

A los vente dias lo hue a vijitar, lo vido de enfrente mansevo saltar, (El rey Nimrod)

Sara propia, kuando se kedo prenyada de el, se izo manseva, (Meam Loez Bereshit)

siendo Yosef mansevo de 17 anyos i muy ermozo, podian venderlo por suma grande (Meam Loez Bereshit)

I todos los mansevos antes de kazar tienen ovligo de saver estos dinim (Meam Loez Bereshit)

ya son 3 mansevos ke se mueren por mi kavza (Meam Loez Bereshit)

I ay ken dize ke kuando se krio Adam 'ha-rishon era kuanto un mansevo de 20 anyos, (Meam Loez Bereshit)

la merkansia es un esklavo mansevo, ermozo i bueno i entendido (Tokpo shel Yosef, Yerush. 1887)

Salieron Belshatsar kon mil mayorales barraganes i resto de mansevos de Israel i mataron al fonsado de Koresh (Meam Loez Ester, Izmir 1864)

de verle ... mansevo luzio i vistido kon feredje, le entro selo (manus. Minhat Ani, Yerushalayim 1880)

si por ke eyos lo trusheron al mundo i lo krearon i lo vistieron i lo kalsaron i lo mantuvieron i penaron muncho kon el asta verlo mansevo kumplido (Meshivat nefesh I , Const. 1743)

i los mansevos eskulkas entraron i sakaron a Rahav .. i sakaron a todos sus linajes, i lo puzieron afuera del real de Israel (Biblia, Const. 1873)

i los ko'hanim mansevos tenian las kolchas sovre la tierra i non se dormian en los vestidos santos, sino se los deznudavan i los doblavan i los metian a la kavesera i se kovijavan kon sus vestidos ([Mishnayot], Seder Maamadot, Viena 1821)

alegrate mansevo en tu ninyez i te abonigue tu korason en dias de tu manseves i anda en karrera de tu korason (Biblia, Viena 1841)

I disho David al mansevo ke le dava las nuevas: komo saves ke Shaul es muerto, i Ye'honatana su ijo (Biblia, Const. 1873)

I desendio su padre a la mujer; i Shimshon izo ayi konbite; porke ansi azian los mansevos. (Biblia, Const. 1873)

tanto el mansevo komo la eskosa, el ke mama kon el ombre kano. (Biblia, Const. 1873)

Yo savia ke Margerita avia sido la metresa de munchos djovenos i ele­gantes mansevos, (La dam o kamelia)

komo? Kualo? disho alegremente el mansevo No estas konosiendo a tu chiko Ektor? (Banyos de sangre, 1912)

La ermoza mujer se aserko del mansevo, lo saludo, le sonrio i le espandio la mano. (Banyos de sangre, 1912)

Parese ke se avia tratado por invitar los mansevos a komer (Banyos de sangre, 1912)

Korriendo para la sivdad, arrivo a su kaza antes del mansevo. (Pavlo i Virdjinia, 1912)

Munchos mansevos ke se topan de mas largo tiempo aki kon kual fuese okupasion, mos responden ke a eyos no los interesa nuestro jornal, eyos dizen ke no tienen menester ni del djudaizmo ni de la Turkia (La Amerika 1910)

kuando, elas! eya arrevata un ombre mansevo i bueno i kuando eya es presedida de un deskaimiento de fortuna, estonses el korason se apreta (La Epoka, Sal. 1900)

el baron [...] pasava por uno de los mas elegantes mansevos de Paris (Anna Maria, Yerushalayim 1905)

el era un mansevo de desizion firma ma de veluntad yelada; (Nantes, Tel Aviv 1952)

Nantes... Nantes... Esto era el nombre del povero mansevo, ke despues de unos kuantos anyos se devia nombrarse kon grande respekto i kon grande onor. (Nantes, Tel Aviv 1952)

Se trata de un mansevo i de una muchacha engrandesidos en la mizma siudad i morando la mizma kaye. (La Boz de Turkiye, Istanbul 1948)

yo esto onde el Baron Danvilyan, dizde la muerte de la barona. Me topo al lado de la ija del sinyor el baron... Madmazel Flavia, ke es la manseva de onde avlamos. (Nantes, Tel Aviv 1952)

En primero kitaron al viejo kaymakam, i metieron en su lugar un buen ombre, mansevo, savido, ke save avlar en Turko, en Fransez, i ke todo el puevlo lo keren muncho bien. (El Djugeton, Const. 1908)

kon todo tenia una vista mas presto de vieja ke de manseva (Muerta de mala muerte, Yerush. 1911)

Komo te yamas, mansevo? (Sipure Sefarad)

Me la demudo un mansevo Shehen ijo del rey Hamor. (Blanka Flor)

Sanos ke esten, mansevos son, ya van a adelantar. (Sipure Sefarad)

El mansevo loko en mosa ermoza. (Kalendario de kantigas)

Enpero dito mansevo era ladron. (Hidot de Izopeto)

Kon tienpo, se desho de venir de otra sivdad un mansevo muy ermozo. (Hidot de Izopeto)

Al mansevo se le apego su alma kon la mosa; (Sipure Noraot,1885)

Eya se aparo delantre de los djellates i les disho: Daleldemolo a este luzio mansevo yeno de fuersas. (Sipure Sefarad)

Un mansevo koma este no puede ser haragan de nasensia. (Sipure Sefarad)

El mansevo se ampeso a riir i en puro djudezmo le respondió: No sinyor! (Sipure Sefarad)

Yako acheto el presio, arrekojó la moneda, le batió la espalda del mansevo i aziendole reveranses lo mando kon la pinturia (Sipure Sefarad)

En un paiz leshano reinava un sultán mansevo, bueno de korason i piadozo, ke todo su dezeo era de ver al puevlo kontente i feliz. (Sipure Sefarad)

atemando el papa de pedrikear le disheron al mansevo: agora ke es tu demanda i te se ara? luego respondio ...: mi demanda es ke traigan ina gaina godra (manus. Papo, Sarajevo 1840)

el mansevo se hue a kaza, asegun lo vieron el padre i la madre enpesaron abrasarlo i a bezarlo de la alegria (manus. Papo, Sarajevo 1840)

hue el si[nyor] ala karsel i lo vido al mansevo mal aprezado, yorando sus ojos komo huentes (manus. Papo, Sarajevo 1840)