manera f.

manner, way, method; form, pattern; etiquette, manners; glove

a su manera

לשיטתו

de esta manera

בצורה כזו, באופן זה

de ke manera?

איך?, כיצד?, באיזה אופן?

de mala manera

באכזריות

de manera ke

באופן ש-

de otra manera

באופן אחר

es manera de dezir

זו רק צורת דיבור - אין צורך להבינה באופן מילולי

es mi manera de ver

זו דעתי - כך אני רואה את הדברים

kon maneras

בשיטות מיומנות

manera de bivir

דרך חיים, אֹרַח חיים

maneras de mandjares

מגוון גדול של מאכלים

no tengo visto esta manera de djente (Nehama)

En ke manera lo keres? (Moscona)

El Dio no da moneda ma aze modos I maneras (Moscona)

Ande se kome la mala sena? Ande ay ijos de tres maneras

Avlo la novia de mala manera, entinyo toda la parentera

El Dio da moldes i maneras

de ke manera los novios los vas a echar del palasio. (Odisea)

va a kalmarse, porke no puedra en ninguna manera (Odisea)

Bozes dava la djente, al rey de esta manera: (Poema de Yosef)

penso de tomar plazer kon otras maneras mando presto a traer munchas eskaleras sean muy lejeras a levantarlas (Zimrat 'ha-Arets, 1745)

I kon el traia armas de gerras de modos de maneras, koza de enkante, kon askier bastante. (Zimrat 'ha-Arets, 1745)

Komo los kito afuera, su shevet todo viera ke izo de esta manera korrieron aferrarlo i matarlo a Eliau (Koplas de Eliau, sig. 18)

i en kada dia i dia le vienen sovre el kuantos modos i maneras de enkuentros negros i de espantos (Keter Malhut, Mahzor Saloniki 1876)

Vino blanko trusheron de Espanya, i kolorado de alta Alemania, i de muchas maneras de Transilvania; no kedo modo de vino ke no se trusho, no. (sova semahot, Livorno 1782)

tenia suma grande de livros de modos i maneras. (Meam Loez Bereshit)

El ijo ke vido a su padre de akeya manera, le saltaron las lagrimas (Meam Loez Bereshit)

I tambien el soletreo de ditos senyores es de otra manera, (Meam Loez Bereshit)

i tenga muncho kargo de azer modo i manera para alegrarlos; (Meam Loez Bereshit)

Ke se rijga de manera a ke en la Suka sea el lugar fikso de morar i su kaza provizorio. (El Gid,1967)

I para amostrar su verdaderia de la koza a ke kada uno entienda a su manera, presto sin alargamiento traeremos un enshenplo muy bien savido. (Lel Shimurim, 1819)

Ke su natura se le va purifikar i alimpiar de manera ke no se va mayorgar mas los dezseos del kuerpo en la persona, komo es aora, (M''L Kantar de los Kantares,1899)

Despues ansi yevaron mi alma [...] en un kampo ke enfrente de gan eden i en el arvoles de maneras de 'hadas porke tomemos golor buena por kitar el golor de el ashufre (Shivhe Hayim Vital, Sal. 1892)

Todo kuervo segn su manera manera i el avestruz, i la leguja, i el laro, i el gavilan segun su manera. (Biblia, Const. 1873)

Estas komeresh de eyas: la langosta segun su manera, i el langostin segun su manera, i el hargol segun su manera, i el hagav segun su manera. (Biblia, Const. 1873)

i la siguenya, la garza segun su manera, i la abubiya, i el mursiegalo. (Biblia, Const. 1873)

i una dukesa avria podido sonriyir de la mizma manera. (La dam o kamelia)

Eya era chika i su madre paresia komo ke la avia echo en esta manera kon akavido grande. (La dam o kamelia)

de una manera djeneral, defenden los entereses lokales de los israelitas. (La boz de oriente, 1931)

porke kreemos ke es la mijor manera de komemorar la memoria de un defonto o de selebrar un evenemento de famiya. (La boz de oriente, 1931)

Todos los dias eran unos en el lugar i no avia nunka ningun trokamiento en la manera de bivir i de azer pasar sus tiempo. (Pavlo i Virdjinia, 1912)

Kera el Dio ke esta manera de politika se amuchigue en el avenir. (Los Muestros, 2007)

A mi me gustaria mas empesar esta istoria a la manera de konsejas de fadas. (El Princhipiko, 2010)

De esta manera a la edad de sesh anyos abandoni una manyifika kariera de pintor. (El Princhipiko, 2010)

el doktor meneava la kavesa de una manera segura en respondiendo kon moderasion a las kuestiones ke suksesevamente le adresavan sovre el estado de su malato la mas parte de los invitados (La sinyatura del kontrato, Yerushalayim 1907)

no diremos ke entre los sien non ayga uno ke se komporte de esta manera, ma es aborresido de todos i no tadra de kayer (La Epoka, Sal. 1875)

de esta manera un padre de famiya ke gana kinze groshes al dia i ke puede pasarse kon diez a la ora fiksada de los merkaderes el se prezenta a eyos i les depozita a eyos la suma de trenta groshes (La Epoka, Sal. 1875)

la djovena tenia ainda la figura inosente de una ninya ma su persona era bien formada, sus maneras eran de alta klasa (La Epoka, Sal. 1900)

yo lo tomi en la planta de mi mano i a su manera de avlar kiji entender ke el me tomava basho su guardia i me iva yevar a su palasio (Guliver, Yerush. 1912)

ay maneras i maneras de ser un mal ombre (Anna Maria, Yerushalayim 1905)

La kamareta era bruska i yelada. Esta manera paso un sierto tienpo ke subito el fue despertado por un ruido en la puerta (Nantes, Tel Aviv 1952)

Pensava ke su portalera le uviera dado estos todos detalyos, i desho kontinuar a madmazel Shoen, i portanto eya bushkava de mas en mas komplimentos, i maneras kerensiozas por dizir las kozas. (Nantes, Tel Aviv 1952)

El Dio no aze monedas aze modos i maneras, ay 23 anyos ke so kazada i no tengo kriaturas (La famoza kantadera, Tel Aviv 1950)

i en efekto, el portalero examinando su livro, topo ke este konvertido fue admitido en gan eden, ma no pudo responder ke manera se topo dientro de gan eden. (El Djugeton, Const. 1908)

ma por esto ay la eksepsion de no resivirlo en nuestro seno en dinguna manera. (El Djugeton, Const. 1908)

solo de esta manera se puede espiegar ke djidios repitan en kreendola la palavra de los antisemitas (Herzl, El estado djidio, Sal. 1931)

esta manera de djuzgar las kozas va ser severamente apresiada de parte la djente onesta ke venturozamente es ainda numeroza (La Epoka, Sal. 1900)

Tambien la manera de ovrar de la polisia, es la mizma kon la diferensia ke en este kavzo es la polisia sekreta ke ovra (Matador de kriaturas, Yerush. 1908)

El idish no podia kortar sus atadijos kon los trezoros de su kreasion literaria de siglos atras, en trokando la eskritura de manera ke los lektores de las muevas jenerasion no tengan akseso a estos trezoros (Aki Yerushalayim, 2019)

ma eyos pensan ke kale konvenser a la djente kon la lengua ke el puevlo konose i esto es echo de la manera mas naturala, kon letras ebreas ke son parte integrala de esta lengua, (Aki Yerushalayim, 2019)

una kantidad de nieve kayo en Yuzgadj de manera ke en manko de vente i kuatro oras las kazas ke no tenian ke sesh metros de altura desparesieron en la nieve (El Tiempo. Const. 1874)

este savia aprontar kon muncho gusto i kon modos i maneras de mezes. (Sipure Sefarad)

I komo azes para fiksar el presio de tus konsejos siendo no son ropa ke se vende al piko, al pezo, o de otra manera? (Sipure Sefarad)

Dale las keshas a Haim i dile, ke esta manera de djugos no se azen kon ijos de los amigos, (Sipure Sefarad)

Esta manera azeria i el halvadji kon ti pensando ke estas ambierto. (Sipure Sefarad)

En akel punto no disho nada, ma el día de después lo yamó al haham i le demandó: Kualo es esto? Ke manera de djente sosh vozotros djudiós? (Kuentos, 1986)

a la mizma manera komo Danailov, tomo la pinturia en mano, se aleshó, se aserkó, yine se alesho i demando por el presio (Sipure Sefarad)

a mi pareser, este komporto del vali, era alguna flakeza suya, ke no tenia nada a ke ver kon su manera de governar''. (Sipure Sefarad)

Ma sus esforsos kedavan sin provecho porke el puevlo yevava muncho mal de modos i maneras de indjustisias. (Sipure Sefarad)