mamar v.

to suck; to breastfeed

Dado, mamaso i eskalavrado (Moscona)

Dada i mamada, patron de mil puerkos

Ke no salga deskuviertura lo ke mama la kriatura

Tus dos pechos, ke mamas de eyos tu ley santa ke es divizada en dos partidas, tora shebihtav i tora shebealpe, ke de eyas mamas i deprendes tu kumplimiento, (M''L Kantar de los Kantares,1899)

dartehemos a nuestros fijos que maman las tetas de sus madres por fiadores; e dixoles el Señor: aquellos rresҫebire. (Midrash aseret adibrot, manus. Sig 15)

tanto el mansevo komo la eskosa, el ke mama kon el ombre kano. (Biblia, Const. 1873)

Si Virdjinia estava kayada o no keria mamar o komer i le mostravan a Pavlo, la ijika se levantava alegre (Pavlo i Virdjinia, 1912)

Las dos kriaturas mamaron de kontino del mizmo pecho, se rodearon sovre la mizma tierra, korrieron en los mizmos lugares (Pavlo i Virdjinia, 1912)

I ansi akontesio ke aun antes de mamar una gota de leche de los pechos de su mana, ya fue Djoha introdusido al aroma splendido de la ''gota amarga'', un aroma ke va akompanyarlo de aki en delantre, toda su vida. (Otniel Hodja, 2002)

Dios ya tuvo piadad de nozotros, la luvia kae a godras gotas i todos kon la boka avierta estamos mamando este regalo del sielo (Perdidos en mar, Yerushalayim 1907)