lektor/lektriche n.

reader, lector; An announcer

Avlar kero lektor kon boz atristante / de la gerra ke ay ke es muy amanziante / eya kamina avante / i aze destruision / ya se ruvino kada nasion / ma inda van gerreando / la sivdad kemando (La Amerika, 1915)

Azed aki un poko atansion, keridos lektores. (M''L Kantar de los Kantares,1899)

Pero, ek ke, a tuerto o a razon, nos vimos ekspuestos a keshidas i a kritikas de parte al­gunos lektores (La boz de Turkiye, 1948)

i fransizar algo nuestros eskritos por meterlos mas al alkanse del lektor, (La boz de Turkiye, 1948)

Keridos lektores; en kada semana toparesh en estas kolonas las ovras i la vida de los barraganes ke fueron enkolgados (al kidush ashem) (La Boz de Yerushalayim, 1954)

Nuestros lektores ya se akodran ke en los primeros kapitolos de esta estoria raportimos [...] (Gul Bahar, Tel Aviv 1953)

Ken es este David, i ken es esta kriatura ? Es esto loke vamos a eksplikar en este kapitolo por aklarar nuestros lektores. (La famoza kantadera, Tel Aviv 1950)

vamos a rogar a todos nuestros lektores de venir kon nozotros a Yeni Mahale de Beshiktas (La famoza kantadera, Tel Aviv 1950)

yo puedria tambien aparejarme un sukseso literario fasil si yo prezentava este plano en la forma de un romanso irresponsavle, apropiado para lektores ke kieren divertirsen (Herzl, El estado djidio, Sal. 1931)

i savesh lektores komo son afirmados todos estos ''mozotros'' ke azen kreer a una kuantedad de eskrividores mas numerozos ke las estreas delos sielos (La Epoka, Sal. 1900)

El idish no podia kortar sus atadijos kon los trezoros de su kreasion literaria de siglos atras, en trokando la eskritura de manera ke los lektores de las muevas jenerasion no tengan akseso a estos trezoros (Aki Yerushalayim, 2019)

Otra razon fue probablamente, de atirar a los lektores ke estudiaron en Evropa o en eskolas evropeas en Turkia, i ke estavan uzados a meldar tekstos en letras latinas i no ebreas. (Aki Yerushalayim, 2019)