lágrima f.

tear; drop

estar enchorreado en las lágrimas

לגעות בבכי, להזיל דמעות כמים

lágrimas de alegría

דמעות שמחה

lágrimas de sangre

בכי תמרורים

me saltaron las lágrimas

פרצו דמעותי, פרצתי בבכי

una lágrima de vino/azeite

טיפת יין/שמן

echar/verter/yorar lagrimas de sangre (Nehama)

alimpiar las lagrimas (Nehama)

deshar kaer las lagrimas (Nehama)

Yorar kon lagrimas (Moscona)

Me saltaron las lagrimas (Moscona)

Yo kayi en estos kamposde arvoles I pinos altos, luvia kaye de los sielos, lagrimas de los mis ojos [...] (Moscona)

Ken va kon lagrimas ken kon suspiros (Moscona)

La lagrima fina no la vee ni la vizina

Lagrima en el ojo, sinyal de buen korason

Maldision de bivda, lagrimas de guerfanos no aparan a bueno

Sus lagrimas no van a kayer en basho

resive sus lagrimas, no los amanzies mas; (Toledo, Koplas de Yosef)

Por eskaparlo a Yis.hak eyos ya korrieron i delantre de el Dio lagrimas vertieron: (Puertas de veluntad)

Ravdon de lagrimas detenia sus mision: (Puertas de veluntad)

Mira tu, mi ija Ester, de pararte en esto i tus lagrimas verter delantre del rey presto (Purim, De-Fes, sig. 18)

Avrid ami las puertas por siba de las lagrimas, Zihr''i fizo por nombransas. (Donme, sig 18)

Tomo la lenya i la ordeno sovre el mizbeah kon grandr pasion, kon lagrimas de sus ojos lavava su fision i lo ato komo barvez de la alsasion (Tarika, Shira Hadasha, Izmir 1861)

A' rios de mis lagrimas mis estentinas van buyendo / brazas de mis pekados mis rinyones van ensendiendo / al din se asentan i los livros estan aviertos (A' oyi i me estremesi, Mahzor Rosh a-Shana, Sal. 1876)

aparejo lenyos de alsasion kon fortaleza i poder / i ato a Yits.hak komo su atar un barvez i fue luz del dia en sus ojos komo noche / i muchidumbre de sus lagrimas estelantes kon fortaleza / ojo kon amargura yoran i el korason alegre (Puertas de veluntad, Mahzor Rosh a-Shana, Sal. 1876)

I tanto fue su alegria, ke le saltaron las lagrimas (Meam Loez Bereshit)

El ijo ke vido a su padre de akeya manera, le saltaron las lagrimas (Meam Loez Bereshit)

Kuando vido entrar a su novio, se alimpio las lagrimas (Meam Loez Bereshit)

sera muy bueno de azer modo de echar algunas kuantas lagrimas kuando meldan esta parasha (Meam Loez Bereshit)

El nu­evo Estado de Israel fue konsevido de sudor, de sangre i de la­grimas. (La boz de Turkiye, 1948)

Eya meldo la karta a todos i, kuando las lagrimas korrian de sus ojos, fue Pavlo el primero endjuntos kon Virdjinia ke vinieron alimpiarles (Pavlo i Virdjinia, 1912)

Ala vista de estas ruinas, Virdjinia disho a Pavlo kaje kon las lagrimas en los ojos: (Pavlo i Virdjinia, 1912)

Eya portanto supo detener las lagrimas ke aparesian a sus ojos (Rolando i Eleonora, 1953)

Sarina, la flor en mi mano yora kon lagrimas de sangre. (Otniel Hodja, 2002)

las lagrimas de los chikos se evaporan presto (La sinyatura del kontrato, Yerushalayim 1907)

kon un impo de yoros eya versava lagrimas sovre sus vestidos (El prove doktor, Const. 1904)

las lagrimas estavan serka por kaerle, ma dominando su emosion el se levanto en pies (Anna Maria, Yerushalayim 1905)

Lagrimas kayentes le pasavan entre los dedos i korrian sovre la grosiera meza de lenyo onde repozavan sus kovdos (Mujer kriminala, Tel Aviv 1954)

eya aboko la kavesa para eskonder las lagrimas ke korrian en abondansa de sus ojos (Gul Bahar, Tel Aviv 1953)

eya le asigura ke eya lo ama, ke eya no se olvido ni un momento de su amistad i se echa en los brasos de su amigo kon yoros i lagrimas. (La Boz de Turkiye, Istanbul 1948)

Yorava la blanka ninya lagrimas de dos a tre[s]. (Blanka Flor)

Kon lagrimas de sus ojos lavava la su kamiza, (Blanka Flor)

las lagrimas sovre sus ojos perlas briyando. (Kalendario de kantigas)

Lagrimas de una madre el Dio ya las va sintir; (Kalendario de kantigas)

En akea ora izo tefila la novia delantre el Sh. Yit. kon lagrimas aterseadas (Sipure Noraot,1885)

Media ora mas tadre de nuevo me meto a batir. Kon las lagrimas en el garon eya me demanda: ''Sos tu kerido Persiado? Dame repuesta ke ya me vo murir!'' Yo - kayadez. (Sipure Sefarad)

Kuando avrieron las puertas del ehal, kon las lagrimas en los ojos i aparada en la zará, la mujer ampeso a rogar: ''Dio piadozo! aze ansina, ke a mi Yomtov la dolor ke le pase i la unflasion ke le kede!'' (Sipure Sefarad)

le disho el rav por la findriz: ke azes mi ijo? no yores i no tomes sar, el Dio ke apiadara i tus lagrimas no seran en baldes (manus. Papo, Sarajevo 1840)

tomo la karta i la meldo; le kayeron las lagrimas de meldarla i disho al shaliah: yerahem ashem (manus. Papo, Sarajevo 1840)

Segula para sanedad de el ojo: ke se guarde de fumo i de polvo i el aver ke sale de la kalor o de el frio i de mucho yorar i el mirar mucho en kozas blankas o menudas i de borraches i de es.huenyo muncho i de komidas agras komo dezir sevoyas ajos i hardal i de kozas saladas i el fumo de la pes aguza la vista i deveda la lagrima i kita la sarna de el ojo (manus. Papo, Sarajevo 1840)

para ojo ke abasha lagrimas: toma meoyo de arnevet de Lisitsa i kome 2 o 3 vezes i se milizinara (manus. Papo, Sarajevo 1840)