kuriozo adj.

curious, interested; Interesting, strange

koza kurioza

דבר מתמיה

kuriozo!

זה מוזר!

El ke es kuriozo, de todo s'interesa (Moscona)

Este fenomeno es basta kuriozo (Gaon, Poezias)

El apartamento eslava yeno de kuriozos. (La dam o kamelia)

Ma lo ke ay de kuriozo es ke asta sesh mezes antes el era muy ermozo, (Banyos de sangre, 1912)

Vuestra senyoria esta muy kurioza de ver esta espesia de salvaje, no es ansi? (Banyos de sangre, 1912)

Era kuriozo, era maraviozo lo ke vian, era imposivle ke esto se pasara: (Leonidas el nadador, 1911)

Estas deskuviertas nozotros las konsideramos oy por kaje nada, i no nos viene mas kuriozo de verlas a nuestro entorno funksionando delantre nuestros ojos. (El muerto ke esta bivo, 1912)

Le vino un esfuenyo muy klaro i muy kuriozo. (Otniel Hodja, 2002)

Entonses esklamo: Komo! Kaites del sielo? Si, le dishi modestamente. Ah, ke kuriozo! (El Princhipiko, 2010)

kurioza de saver el eskopo de azerla vestir de novia, la mujer le rogo al marido de darle algunas esplikasiones sovre este dezeo suyo en la ora de su murir (El Djugeton 1917)

las eksperiensas ke fueron echas delantre muncha djente eran muy kuriozas (El Tiempo, 1896)

Ma koza kurioza, en la persona de Nantes, avia una ambision (grande dezeo) de azer fortuna ke le avia kedado de su madre, (Nantes, Tel Aviv 1952)

Ke kurioza koza, ayer serri mis trenta i sinko anyos i parese ke el azardo (tesaduf) me ovliga de mantener mi palavra ke te tengo dado (La Ermoza Alis, Tel Aviv 1954)

Komo fakto kuriozo adjuntan, ke un dia, una viejizika yendose a merkar pan, enkontro un alay de djente ke ivan detras de dos djellates i un mansevo kon las manos atadas por detras. (Sipure Sefarad)

Haskito era elevo de kuatrena klasa, ijiko bivo i komo todos los de su edad muy kuriozo. (Sipure Sefarad)