kuenta f.

account; bead

dar kuenta i hasbón (ebr.)

לתת דין וחשבון

no meter a uno en kuenta de benadam

לזלזל במישהו, לא להתחשב בו

sin kuenta

רב מספור, בלי חשבון

koza de poka kuenta

עניין טריביאלי, עבודה טריביאלית

no entra en kuenta

זניח, חסר חשיבות

De ke sos karnudo, de dar kuenta al mundo

Pari, mujer, ke la kuenta esta djusta

Ya kansimos de darle muncho dinero sin kuenta. (La segunda Ester, 1911)

'De toda esta kuenta, nos non tenemos nada, (Poema de Yosef)

No ay numero de ni kuenta a su gran rikeza (Koplas de Purim, 1545)

nisim grandes vimos ke no ay kuenta (Zimrat 'ha-Arets, 1745)

Vino despues de dias siento i ochenta kojo de akeas vias djentios sin kuenta (Purim, De-Fes, sig. 18)

Le iziera poka kuenta, i poka estima del rey, (Donme, sig 18)

Arelim venía ke no avía kuenta por entrar en la sivdat azer una rebuelta, por no desharmos ni menor ni fiesta; el Dio, baruh 'hu, les izo la buelta (Kalumnia de sangre, sig 18)

Al saká no vos enmento ni en kuenta de ombre lo meto del ijo de un perro el biznieto; kon todo dalde a bever. (Mandjares de Purim, sig. 18)

En esto muncho atenta: a guestra kaza bien kotenta, los aspros dalde sin kuenta, ke ansí es el dever. (Mandjares de Purim, sig. 18)

por kuenta izo tefilot kon bakasha, por no enterrarse en el midbar ke era busha, muncho dezeo de entrar laarets akedosha (Tarika, Shira Hadasha, Izmir 1861)

tu sos uno presipio de todo modo de kuenta i simiento de todo modo de fragua (Keter Malhut, Mahzor Saloniki 1876)

Korriendo torno a el rey el gran sinklavo, i mil males avlo de la reina, le puzo un gran klavo; dize ke no kiere venir, ke inda ayer eras de su padre esklavo, i no aze kuenta del rey ni de los senores, no. (sova semahot, Livorno 1782)

i es aparejado la presona de dar kuenta por todo lo ke izo, (Meam Loez Bereshit)

I entro en una shara i avlo en su luenga, i salieron de la shara varones komo el sin kuenta. (Ben Gorion, 1743)

i el les dio kredito i por pereza i neglijensia desho de ver si estava djusta la kuenta de la moneda i el pezo (Hovot 'ha-Levavot, Const. 1569)

izo poka kuenta de su mandado i se asofrio sovre palavras de otros en koza ke podia el saverlo bien (Hovot 'ha-Levavot, Const. 1569)

Malgrado tu veluntad sos kreado, nases, mueres i ovligado por dar kuenta de tus ovras (Tefilat Imanuel, 1924)

Trezientos i sesenta i ocho livras eran en eya 365 komo kuenta de dias de el anyo, livra en kada dia (Mishna: Tefilat kol Pe 1874)

rodei yo i mi korason por saver i por eskulkar i bushkar sensia i kuenta, i por saver malisia de lokura i la lokura de enlokesimientos (Biblia, Viena 1841)

ve esto ayi, disho Koelet, una por una por ayar kuenta (Biblia, Viena 1841)

i enkomendo a todos sus siervos por apanyar tajantes de piedras a miles i a miyares, i tajaron piedras munchas a non kuenta (Sefer 'ha-yashar, manus. sig. 17)

En un viaje de sesh mezses el puede todo vender ayi i retornar kon una buena kuenta de esklavos ke laboraran nuestras tierras. (Pavlo i Virdjinia, 1912)

Operasion ke iva tener lugar en una sala de la kamara del ospital militar en prezensia de una numeroza kuenta de medikos nominados por el governo. (El muerto ke esta bivo, 1912)

Entonses el astronomo torno a dar kuenta de su deskuvrimiento en 1920 en un vistido muy elegante, i esta vez todo el mundo aksepto su demostrasion. (El Princhipiko, 2010)

mozotros savemos ke la kuenta de los soldados deve ser djusta i ke ninguno manke (El rey i el shastre, Yerushalayim 1903)

A la okazion de la imigrasion kontinuala i aktuala de Turkia en Amerika se kalkula oy una kuenta de serka 5 mil djudios espanyoles de Turkia aki en Nueva York i otra semejante kuenta se kree toparse en todos los Estados Unidos … ke vienen la mayor parte kreendo amijorar sus estado material aki en Amerika (La Amerika 1910)

le demandaron por eshemplo kuantas vezes la kuenta 356 se topa en la kuenta 4,568,894. sin pensar longo tiempo solamente en dando unas kuantas solansas el respondio 12831 mas 58 (El Tiempo, 1896)

en aviendo gerra el Hedive puedra embiar una grande kuenta de soldados (El Tiempo, Const. 1877)