konservar v.

to preserve; to make preserves

pues eya konserva dita esperansa - (Gaon, Poezias)

las mundava i las konservava i las azia kon rechel, (Gizados de berendjena, siglo 18)

I tu paladar (tu travajo en la ley) plazera delantre de mi komo el vino bueno, ke se manda regalo entre los keridos por konservar (guardar) la amistad entre eyos, (M''L Kantar de los Kantares,1899)

Israel fue entitulado kon el titolo de ''Am 'ha-sefer''- el puevlo del livro, el puevlo dela literatura, ansi un titolo de onor, un titolo de gloria ke devemos konservarlo siempre (manus. Vitali Varon, Const. 1948)

un patrimonio ansestral ke se devia konservar en toda su entidad. (La boz de Turkiye, 1948)

este uzo konservo solo la balabaya sefardí de Bosna i de Serbia, i la sefardí de Bulgaria no lo nombra en sus debatas de balabaya. (La mujer sefardí de Bosna, 1931)

asta agora nozotros konservirmos una reputasion onoravle (Anna Maria, Yerushalayim 1905)

kon un koraje i una enerjia adniravles su maestad el sultan supo parar todos los golpes dela tempesta, avrir un sendero al navio en medio delas inmensas olas, evitar los enkontros delos penyaskos i konservarlo enkanto asta ke la tempesta se kalmo enteramente i vino el ermozo tiempo (El Tiempo, Const. 1896)

entusiasmadas de admirasion i esmovidas de agradesimiento, las populasiones del imperio otomao tienen dunkuey muncha razon deselebrar este anyo kon mas grande briyo el dichozo aniversario del nasimiento de sus bien amado soverano i de rogar kon fervor al todo potente de konservar longo tiempo sus dias presiozos (El Tiempo, Const. 1896)

Si yo tomo a esta ija eya konservara su relijion, los uzos i kostumbres de su famiya i de su nasion (La Ermoza Alis, Tel Aviv 1954)