komunidad/komunitá f.

community; community council

La union i la konkordia de todas komunidades. (La segunda Ester, 1911)

Ainda oy esto existe / i kada uno azerse grande insiste / i ansi es ke ay miles de komunidades / en Nuyork i en otras grandes sivdades (La Amerika, 1916)

salvo lo ke kiere el Sh.Yit. es ke agash djustisia i azed mersedes kon la komunidad i ke andesh onesto kon el (Hovot 'ha-Levavot, Const. 1569)

Lunes proksimo la komunidad de Israel selebra el primer dia del anyo, Rosh Ashana 5708, (La boz de Turkiye, 1948)

Apartienen de derecho a las komunidades judias todos los israelitas ke biven en el territorio italiano. (La boz de oriente, 1931)

En ke manera un judio puede dizir no kerer azer parte de la komunidad? (La boz de oriente, 1931)

En este pais ay chika komunidad judia de entre 200-300 famiyas, (Luz de Israel, 1989)

Un grande numero de komunidades ke avian tadrado a fuyirsen, santifikaron kon sus muerte el Santo de Israel, (Vaye de los yoros, 1935)

La sinagoga de la komunita Ashkenaz ke se topa en Galata se avyo en 23.09.1900. (Shalom, 2007)

Disho ke nuestra komunidad no deve ser mas giada por beyes i pashas (El Djugeton 1917)

en vano el korrio de un djuez onde otro, pero todos le disheron ke el se adresara a los kapos de la komunitá israelita (El rey i el shastre, Yerushalayim 1903)

los kapos de la komunitá teniendo el poder en sus manos azian segun les plazia (El rey i el shastre, Yerushalayim 1903)

portanto esta situasion es grande pekado, es manzia ke se deshe prolongar, siendo ke las tres kuatro personas ke konchentran en sus manos todos los echos, los poderes, los bienes i los intereses de muestra komunita non konosen mas un termino para sus abuzos (Renasensia Djudia, Sal. 1920)

la dezorganizasion i la pudridura en las kualas esta dezbatiendo muestra komunita esta vez non son mas konsiderasiones teorikas ke mos yevan reklamar kon insistensia la transformasion kumplida del rejim komunal (Renasensia Djudia, Sal. 1920)

los kapos de la komunita teniendo el poder en sus manos azia segun les plazia (El rey i el shastre, Yerushalayim 1925)

no es a ti ke te keremos respondio el empiegado de la komunita kon una taraka de riza, es a tu ijo ke keremos (El rey i el shastre, Yerushalayim 1925)

Si adjustamos a esto la eksterminasion de la komunidad djudia de Saloniko, ultimo sentro de publikasion en letras ebreas, vemos komo se kumplio el proseso irreversible de latinizasion de la eskritura del ladino. (Aki Yerushalayim, 2019)

le está arrogando al marido ke le embíe un poko de dinero, para pueder mantenerse i no ir a demandar buendades de la djente o de la komunidad. (Kuentos, 1986)