komponerse v. refl.

to be composed of

Kon muchos misterios tu fey se kompone (Gaon, Poezias)

i en el se enshasha tu reino, i se konpone kon mersed tu siya, (Untane Tokef)

A' livros de bivos i muertos delantre de ti estan aviertos / en mersedes de muestros padres los primeros mozotros enfiuziados / se konponga muestras tefilot komo guezmo resivivle (A' oyi i me estremesi, Mahzor Rosh a-Shana, Sal. 1876)

El dokumento en kuestion se kompone de serka setenta artikolos de los kuales el primo dize tekstualmente : (La boz de oriente, 1931)

una morada de un tiempo se komponia de dos fin tres apozentos (kazas) una kozina de envierno en el kortijo en (el avli) kuzina de enverano, guertezika el sobradillo (tavan) i la kueva (podrum). (La mujer sefardí de Bosna, 1931)

El treser numero del programa e komponia de un baile preparado por la profesora Madmuazel Choenner i exekutido por una diezena de kriaturas de muy tierna edad. Madmuazel Hayim las akompanyava al Piano. (La Boz de Turkiye, Istanbul 1948)

la mas grande parte del askier komponiendose de trenta tabures fue traida a Kostan, ke de este lugar en adjuntandosen a otros tabures seran embiados a Erzinos i Batum ke son los puntos los mas importantes ke pueden ser atakados del enemigo (El Tiempo, Const. 1877)

en todos los linguajes se uzan tantas letras komo son menester para reprezentar los ultimos sones de ke se komponen todas las palavras en akel linguaje (La eskalera, Const. 1888)