kavesera f.

head-rest; leader, head, gang leader, rebel leader; leadership; stationery title; pillow

asentarse a la kavesera de un hazino/de una parida

להשגיח על חולה/על יולדת

estar a la kavesera de una ovra

לנהל עבודה/משימה

kitar kavesera

לקבוע מותו של מישהו

la kavesera de kolel

ראש הקהל, ראש הקהילה

tener rezerva debasho de su kavesera

עומד לרשותו סכום מסויים שלו

guadrar el portefolio debasho de la kavesera (Nehama)

ke seamos siempre por kavesera i no por koda (Nehama)

Piedra desdechada - kavesera de meza

Le kayo la kavesera

supieron sus mosos ke los yamo por dezir: / luz si vitesh espuntan en kavesera de monte de almiskle / i disheron: no vimos salvo ke el almiskle / respondio: estad aki puevlo enshemplado a el azno / i yo i el moso por seer espandido (Puertas de veluntad, Mahzor Rosh a-Shana, Sal. 1876)

Sesenta malahim parados en kavesera de kada tsadik (Shevet musar, Const. 1740)

Ansi la providensia del Dio santo (la kavesera del puevlo de Israel) va ser pozada sovre ti i de eya pujara la santedad i onestedad en todas las klasas del puevlo, (M''L Kantar de los Kantares,1899)

I avia una kavesera redonda de oro en el asiento del rey i dita sia era de ruedas i charkes [...] segun la rueda del sat ke kamina de suyo (Meam Loez Ester, Izmir 1864)

I sovre la kavesera de la sia avia almenara de oro bien aderesada kon todos sus aparejos i siete kanyas en eya (Meam Loez Ester, Izmir 1864)

para ke no topen ke alavarsen diziendo vensimos kavesera grande de los djidios ke vieron en tu vensimiento i barragania grande (Meam Loez Yeoshua II, Izmir 1870)

I tu me eskapaste de las barajas de mi puevlo, me guardaste para ser kavesera de djentes

i madrugo Yaakov por la manyana i tomo a la piedra ke puso a sus kaveseras i puso a eya estansia i vazio azeite sovre su kavesa (Biblia, Const. 1547)

I de Yosef disho: bendicha de A' sea su tierra, de la mejoria de los sielos, el rosio, i del abismo ke yaze abasho, i de la mejoria de los renuevos del sol, i de la mejoria del produkto de las lunas, i de la kavesera de los montes antiguos, i de la mejoria de las kuestas de siempre, i de la mejoria de la tierra i su inchimiento, i de la buena veluntad del ke moro en la sarza; (Biblia, Const. 1873)

i vino kon las kaveseras del puevlo; la djustedad de A' izo, i sus djuisios kon Yisrael. (Biblia, Const. 1873)

I de Yosef disho: bendicha de A' sea su tierra, de la mejoria de los sielos, el rosio, i del abismo ke yaze abasho, i de la mejoria de los renuevos del sol, i de la mejoria del produkto de las lunas, i de la kavesera de los montes antiguos, i de la mejoria de las kuestas de siempre, i de la mejoria de la tierra i su inchimiento, i de la buena veluntad del ke moro en la sarza; (Biblia, Const. 1873)

i vino kon las kaveseras del puevlo; la djustedad de A' izo, i sus djuisios kon Yisrael. (Biblia, Const. 1873)

los ombres a la kavesera de nuevo governamiento djudio, proklamaron la independensia (La boz de Turkiye, 1948)

el kual se topo a la kavesera de la revolusion. (Luz de Israel, 1989)

nuestros periodistas, teniendo a su kavesera el maestro ke fue David Fresco [...] ya avian realizado un grande progreso en el dezarroyo de la lengua [...] (La Boz de Turkiye, 1947)

La tinia la bolsika debasho de la kavesera. (Djoha ke dize)

segula para kriatura ke yora muncho: ke le meta a la kavesera 1 piedra, i ay dizientes gueso ke le kayo del perro zahar para zahar o kuerno de kavra de zahar para zahar (manus. Papo, Sarajevo 1840)

segula para saver si la mujer esta prenyada de ijo o ija: ke eskriva su nombre i nombre de su marido en un papel i ke meta la eskritura debasho de su kavesera en la noche kuando durme sin ke lo sepa del todo i despues kuando se desperta se yama nombre de onbre es ke es ijo i si no es la buelta (manus. Papo, Sarajevo 1840)

para un hazino ke no puede durmir: ke tome diente de ombre muerto i ke le metan debasho dela kavesera, no se despertara asta ke se lo kiten el diente de ayi (manus. Papo, Sarajevo 1840)

para la mujer ke atorge todo loke izo: si tomaras arnevet por nombrada de la mujer ke kieres i lo pornas a el sovre panyo de pishtan ke es lino muevo i se lo meteras debasho de la kavesera en loke esta durmiendo i eya te denunsiara a ti todo lo ke enveluntas (manus. Papo, Sarajevo 1840)

para no dormir: si tomaras kavesa de mursiegano por nombrado de kienen veluntas i se lo pornas debasho de la kavesera, ama ke no vea ni ke entienda, no podra dormir todo tienpo ke no se la kitan de ayi (manus. Papo, Sarajevo 1840)