kamareta f.

room, bedroom

kamareta de arresivir m.

חדר אורחים, טרקלין

kamareta de endevina

חדר מבולגן

Los perdes se dezazieron, los menderes se purieron, se kere una esterika para la kamaretika. (8 dias antes de Pesah, 1909)

Ya eskapo su rijo segun eya kijo: areno bien las puertas, ya adovo dos kamaretas, (8 dias antes de Pesah, 1909)

se olvida de sus prometas i enrezia yevaduras de sus puertas i no ve ke la muerte esta de dientro de sus kamaretas (Keter Malhut, Mahzor Saloniki 1876)

deven los rejidores del lugar de tener unas kuantas kamaretas para los forasteros, (Meam Loez Bereshit)

La ora ke se fue el novio a su kamareta, le korio detras dito prove (Meam Loez Bereshit)

i se muchiguara el rio de ranas i suviran del rio i entraran en tu kaza … i te daran muncho sar, i en la kamareta de tu yazer i sovre tu kama (Meam Loez Shemot I)

de ayi avia una eskalera echa al karakol ke suvia al tejado de la kamareta de la tevila (Meshivat nefesh I , Const. 1743)

en la otra kamareta avia un pozo ke sus aguas eran muy dulses i inchiyan agua de el para la djente de la azara (Meshivat nefesh I , Const. 1743)

sovre el tejado de esta kamareta avia una tevila ke azia en eya tevila el koen gadol en dia de kipur (Meshivat nefesh I , Const. 1743)

esto kuantos dias i anyos i tiempos ke se yo del estruyimiento de Yerushalayim, i me entre en esta kaza i ize a mi esta kamareta (Sefer 'ha-yashar, manus. sig. 17)

Cerfberr kuando eskapo su orasion, entro a la kamareta del rey de Fransia, (La boz de oriente, 1931)

Kuando Emperya entro en la kamareta de Bianka, eya era siguida por una servidera ke tenia en la mano una kashika. (Rolando i Eleonora, 1953)

Deke me apartatesh aki una kamareta onde bivo asolada. (Rolando i Eleonora, 1953)

De Montmartre a la kaleja de Lil ke era su kamareta (Nantes, Tel Aviv 1952)

el kedava ansi echado en un kanton de la kamareta, non puediendo nada azer por devorarse (despedasarse) komo un leon en su jaula (kafes). (Nantes, Tel Aviv 1952)

al punto dos esklavos del rey lo aferraron i lo enserraron en una kamareta de la kazerna (El rey i el shastre, Yerushalayim 1925)

kon unos pasos verdadmente de ladron el suvia las eskaleras muy avagar i se topava delantre la kamareta de eskrivir del baron (El prove doktor, Const. 1904)

si la sinyora Barta me lo permite, esklamo kon primura el konte, le avrire la mia, eya, espero, le sera agradavle, inde mas ke tiene la konfiensia de tener otra una chika kamareta alado (La Epoka, Sal. 1900)

tenesh dos kamaretas disponivles disho la otra sinyora kon altigueza a la mujer del otelier (La Epoka, Sal. 1900)

Se metio a bushkar i eskulkar todos los mobles de la kamareta (Mujer kriminala, Tel Aviv 1954)

Eya lo empusho vagarozamente i levantandose izo algunos pasos al azardo en la kamareta (Mujer kriminala, Tel Aviv 1954)

eya paso a la kamareta de echar (La dezgrasiada Luiza, Tel Aviv 1953)

el papel de las paredes bien suzio, el tavan (techo) preto, mostravan la mizeria i la deznudes de esta kamareta, onde non avia ni una chimenea, onde puederia kaentarse las nochadas de invierno,(Nantes, Tel Aviv 1952)

La kamareta de onde se prezentava esta imensa panorama, era chika i estrecha, kon un verandado en la ventana. (Nantes, Tel Aviv 1952)

el avrio los ojos kon enkanto. Era la boz de la portalera ke azia entrar a una dama a la kamareta. (Nantes, Tel Aviv 1952)

El non era del todo romanesko, el ya avia pasado la edad, onde los mansevikos pensan en sus kamaretas, ke ijas ermozas vienen traerles grandes pasiones, i grandes fortunas (Nantes, Tel Aviv 1952)

Sinyor, empeso eya, yo me permeti de azer suvir.... La portalera atino ke no aviya Iuz en la kamareta. (Nantes, Tel Aviv 1952)

afanado, sudando, entro komo una bomba a la kamareta del kapo de estasion (La linda Anjela, Tel Aviv 1953)

Este ultimo entro al kortijo sin avlar un biervo i kuando vino a la kamareta, el desho el bogo ensima del minder i se empeso a kaentar en el ogariko (La famoza kantadera, Tel Aviv 1950)

Lo enserraron a Djoha en la kamareta i el sta aziendo orasion: (Djoha ke dize)

Tomo, lo enserro en la kamareta suya, i Djoha sta pensando, (Djoha ke dize)

la kazika la avia fraguado su papú, también arabadji i era una kazika en lenyo i kirpich kon tres kamaretikas i kuzina. (Sipure Sefarad)

a la mizma manera, i las otras tres kamaretas i la kuzina yenas de todo lo mijor ke existe en el resento de una kaza rika (Sipure Sefarad)

i se hue a su kaza i se enserro en una kamareta kon taanit de 3 dias i tres noches, dia de viernes korto el taanit i mando a yamar un djidio ke le merke todo el gaste de shabat i ke se lo kuzine kasher en su kaza (manus. Papo, Sarajevo 1840)