irse v. refl.

to leave

Ya se fue el vazo (Moscona)

Ya se me fue el tino en mil lugares (Moscona)

Me se fue de la mano (Moscona)

Vate a ganar (Moscona)

Bushkaron de matar a fransez el influente / serbos lo izieron asasinar por mano de basha djente / esta matansa sangriente / izo la gerra aktual / la kuala trusho muncho mal / i inda se espera / ke munchos se yiran a la tierra (La Amerika, 1915)

i fue kuando fuyo kon torva, i se le rompio la alda de Yosef en mano de Zeliha, i se fue a la kaye ke tuvo miedo (Sefer 'ha-yashar, manus. sig. 17)

esta ultima razon era la ke me empusho a embarkarme a bordo del Eredan para irme de Liverpul a un porto de la Norvejia (Perdidos en mar, Yerushalayim 1907)

en una konversasion de intimos el fue mizmo asta dezir: [...] ke se vaiga a Yerushalayim , estonses veresh komo todos los echos de la sivdad kaminaran leche i miel (La Epoka, Sal. 1900)

ya me kansi de estar dando paras para rifas i siempre se fueron al aire (La Epoka, Sal. 1900)

Pishin yoro ribi Meir, i se bolto atras por yirse. (Kuentos de Yerushalayim, 1923)

Este se fue i na ke sinyor Danailov torna por la pinturia. (Sipure Sefarad)

kada nada se va a Bukuresht i a Viena ande tenia kantoras. (Sipure Sefarad)

Refua para azer fuir kulevros i removivles kozas danyozas kale ke safume akel lugar kon soá de ombre i se fueran (manus. Papo, Sarajevo 1840)