interesarse v. refl.

to be interested, to find interest in; to take part in a business

El ke es kuriozo, de todo s'interesa (Moscona)

solo asi se pensa del prove no se interesa / yo demando esto es djustisia, esto es derecho? (Rekolyo de Poezias Diversas, Tel Aviv 1931)

nuestra istoria es de alta valor, si mos interesamos a eya, remarkamos los selebres savios del Talmud, los grandes savios dela Espanya, doktores en todas las sensias, filosofos, astronomos, poetas, ministros i ombres de estado ke azen la onor de nuestro puevlo (manus. Vitali Varon, Const. 1948)

enkorajaremos nuestros ijos en sus estudios ebraikos i kada padre i madre tenemos el ovligo de interesarmos de mas serka konsernando esta kesion importante (manus. Vitali Varon, Const. 1948)

Dos personas se interesavan mas ke otras a la vista de esta toda djente i a la koza ke iva a pasar: (Leonidas el nadador, 1911)

No todos tienen un amigo. I puedo yegar a ser komo las personas mayores, ke solo se interesan por las sifras. (El Princhipiko, 2010)

Las personas mayores me akonsejaron abandonar la pintura de kulevros boas, aviertos o serrados, i interesarme mas bien en la jeografia, la istoria, el kalkulo i la gramatika. (El Princhipiko, 2010)

ahuera del judio, el ajeno i el sivdadino se interesa a las borekitas, i dulsuras sefardis de manera ke ''las altalayikas'', sin saver van a konservar para mucho tiempo estas ''golas''! (La mujer sefardí de Bosna, 1931)

komo de uzo el rey se intereso por la famiya del mandradji por el echo, si se esta manteniendo i si esta kontente de su pozision. (Sipure Sefarad)