grasiozo adj.

gracious

Dio grasiozo i piadozo!

אל חנון ורחום!

Es muy grasiozo (Moscona)

no ay komo eya grasioza i linda (Gaon, Poezias)

basho de un arvol, komo una nimfa grasioza, (Papo, Navot)

veas Dio selozo grasiozo i piadozo, y amado (Toledo, Koplas de Yosef)

El ke la mirava se desmayava despues se arretornava porke era grasioza i muy namoroza (Purim, De-Fes, sig. 18)

Ek, tu eres ermozo, kerido mio, tambien grasiozo, (Biblia, Const. 1873)

Eya devenia una grasioza ija, un poko mas basha de Pavlo, ke devenia un chiko mansevo alto i grasiozo, (Pavlo i Virdjinia, 1912)

Me fregi bien los ojos. Miri bien i vi un ijiko ekstraordinario ke me examinava seriozamente. Na el mijor portreto ke mas tadre logri azer de el. Mi pintura, siertamente es muncho menos grasioza ke el modelo. (El Princhipiko, 2010)

I al princhipiko le salto una riza grasioza ke me eniervo muncho. (El Princhipiko, 2010)

por aleshar los presentimientos funebres eya pasava en los grupos grasioza, rajenida, eklatante de vitalidad i de salud en su elegante ropa realsada de girlandas i de rozas naturales (La sinyatura del kontrato, Yerushalayim 1907)

el no avia nunka sonyando una ermozura mas ideal, mas grasioza en su semplichita, nunka enkontrado una figura mas andjelika , una kriatura mas atirante (La Epoka, Sal. 1900)

36 anyos de edad kazado dezde diez anyos kon una grasioza mujer, lindo i ermozo el mizmo (Anna Maria, Yerushalayim 1905)

el esta, puede ser, amorozo respondio Pol. O! no lo kreas, repliko el markez De freniz, teniendo una mujer tan grasioza, Klod no va ir azer la korte a otras (Anna Maria, Yerushalayim 1905)

alta, esvelta i muy grasioza, sus ojos muy grandes debasho de sejas pretas i arkadas tenian una ekspresion dulse (La linda Anjela, Tel Aviv 1953)

ay entre estas ijas algunas de eyas ke son bien grasiozas i esto es lo ke eksita la kuriozidad de estos kazalinos (Manon Lescaut, Yeru. 1906)

Eya's ermoza i muy grasioza ke me izo tresalir. (Kalendario de kantigas)