fuírse v. refl.

to get away, to run away, escape, to slip away, to dodge, to disappear

fuirse de kaza

לנטוש את הבית

fuirse por los tejados

להמלט חיש

fuírsele

ברח לו, נפלט לו

me se fuyó de la mano

נשמט מידי

se le fuyó de la boka

נפלט לו מן הפה

El ombre ke avia diez vezes reushido, de se fuir de eyos i avia surbivido; ('Ha-Elion: Shimshon, 2003)

eyos tiravan, tiravan sin destankar i fue kon grandes penas i manuvras ozadiozas ke yo pudi fuirme de dientro de esta rodancha de obuses ke me entornavan (El Triomfo de la Djustisia, Sal 1921)

I muncho pensando komo arian; del suenyo se esmovian, si se fuirian o se kedarian. (Zimrat 'ha-Arets, 1745)

A' mi korason, de flamas de fuego de tus brazas se fuye / temerozo en puevlo alto, mi korason kon amargura esklama / komo suvira i verna pelado (A' oyi i me estremesi, Mahzor Rosh a-Shana, Sal. 1876)

vaday es ke el Sh.Yit. tomo el daat i el saver de eyos i no se fuyeron para ke se entregaran todos en mano de Yeoshua (Meam Loez Yeoshua II, Izmir 1870)

ribi Shabetay fue ovligado de fuyirse a pie a Lublin porke el kruel Hemelniski i su trupa ablokaron la sivdad [...] (El gid, Istanbul 1967)

Ya tomates la manya de el djidio, ke kuando lo aferan por un kavo se fuye por el otro (Shevet Yeuda, Viena 1859)

i dieron polvora i se fuyeron todos los felahim a las montanyas (Imre Bina, Belgrad 1837)

tanbien por muncho ke kere salir de hova kon todos se le fuye alguno del tino i viene a keshas i 'hakpadot (Pele Yoets I, Viena 1870)

Se fuian eskondersen todos en sus kavanyas. (Pavlo i Virdjinia, 1912)

yo me meti a echar gritos tan fuertes ke todos estos chikos animales empesaron a fuirsen korriendo del espanto i dando una fuerte meneada (Guliver, Yerush. 1912)

No savemos en ke manera el fue kapache de fuirse de las manos de los malah habala antes de mostrar sus dokumentos. i ansi el se topo delantre de la puerta de gan eden. (El Djugeton, Const. 1908)

Kavayeros estavan prontos, se suvio i se fuyo. (Blanka Flor)

guay de el i guay de su alma ke ansi le rogo a su mersed ke me mire algun remedio para fuirme de esta tierra i irme a Yerushalayim i komer pan i tierra i agua kon seniza (manus. Papo, Sarajevo 1840)