figura f.

figure

azer buena figura

לעמוד על הגובה,להיות ראוי

azer figura

לעשות רושם טוב בחיצוניותו/בהופעתו

la figura de la kaza

הדמות הבולטת והמייצגת במשפחה

las figuras de un livro

איורי ספר

se le ve figura!

נאמר לילד: סוף סוף רואים פנים!

Sangrateo la figura (Moscona)

leshos de figura i de pensamiento. (Gaon, Poezias)

reflektando la figura de un asasino; (Papo, Navot)

En mi esfuenyo yo no veo ke su dulse figura, (Rinio, 1906)

Invierno, sezon indjustamente aborresida / sos mi amiga, porke debasho tu kara palida / ay ermozuras komo las ke en suenyo pasan / figuras, vistas, tanto lindas ke plasan la realidad / ma son mas puras ke la verdad (La Amerika, 1917)

De kien avia talante de ver la su figura (Poema de Yosef)

Y una figura estava aya donde yazia (Poema de Yosef)

'Las siete vakas ke viste de buena figura, (Poema de Yosef)

todo el mundo esta sirviendo a la su negra figura''; (Toledo, Koplas de Yosef)

pero kon temoridad, es figura muy santa, (Toledo, Koplas de Yosef)

un andjel de los sielos se envistio en figura de presona i les fue aziendo todos estos agravios (Meam Loez Bereshit)

i ayi tienen una figura de palomba i la sierven komo avoda zara, (Meam Loez Bereshit)

i fraguadle a eya un palasio i azelde su figura de dita estreya para ke vos enkorvesh a eya todos los ombres I las mujeres i los chikos i los grandes (Meam Loez, Devarim II, Const. 1773)

i les afiguravan ditas profetas una figura ke les inventava en su mahashava I dizian de este modo es la figura de dita estreya (Meam Loez, Devarim II, Const. 1773)

Ansi le dieron a saver de los sielos i enpesaron a azer de akel modo de figura i metian en los palasios I en las puntas de de las muntanyas I debasho de los arvoles (Meam Loez, Devarim II, Const. 1773)

e cada uno de aquellos gentios llamaua la figura de su dios que lleuaua colgada al cuello. (Midrash aseret adibrot, manus. Sig 15)

E dixole el enperador: toma mi sortija que esta en ella la figura de mi dios, e omillate a el; e sy quieres, tómala para ty (Midrash aseret adibrot, manus. Sig 15)

adientro avia un ombre feo i de una figura la mas bruta i askienta ke puede ser. (Banyos de sangre, 1912)

Ma su figura era yena de granos i de burakos, i uno ke se aserkaria bien alado de el goleria tambien una fedor terrivle. (Banyos de sangre, 1912)

Se aunaron kon Institusiones, diplomatos, figuras de pezgo, ansi ke presonas partikolares i amigos del puevlo djudio (Los Muestros, 2007)

El ombre era alto i bien formado i su figura simpatika inspirava en mizmo tiempo respekto i espanto. (Leonidas el nadador, 1911)

La figura del doktor Seballos era entera palida i su kuerpo temblava tanto, ke un minuto me paresio komo ke el ia kaer muerto en basho. (El muerto ke esta bivo, 1912)

Diziendo estas palavras, el sol ya s'abasho serka del orizonte, iluminando agora la figura ensima de la kolina, (Otniel Hodja, 2002)

La sima se enkuvrio entera i la figura de Djoha se desparesio. (Otniel Hodja, 2002)

en sus manos tres gayinas bien yenas, de su figura i de su vistido, el dito ombre mostrava ser un kazalino (kioylu). (Hamal Izidor, Istanbul 1930)

el agua arrega nuestra figura, moja mis lavios,i yo siento ke eya kae adientro de mi gaznete (Perdidos en mar, Yerushalayim 1907)

estamos sufriendo del ambre, nuestras figuras paresen mas presto a akea de unos eskeletos ke de figuras bivas (Perdidos en mar, Yerushalayim 1907)

el no avia nunka sonyando una ermozura mas ideal, mas grasioza en su semplichita, nunka enkontrado una figura mas andjelika , una kriatura mas atirante (La Epoka, Sal. 1900)

la djovena tenia ainda la figura inosente de una ninya ma su persona era bien formada, sus maneras eran de alta klasa (La Epoka, Sal. 1900)

la mizeria se ve pintar sovre sus figura (El Tiempo, 1896)

su figura era kontruviada (El Alakran, Tel Aviv 1954)

arias mijor de repozarte por no tener manyana una figura tan deskompuesta (El Alakran, Tel Aviv 1954)

su fegura tenia la sinyal de una dolor profonda (La dezgrasiada Luiza, Tel Aviv 1953)

su fegura se enkujo i un relampago paso por sus ojos (La dezgrasiada Luiza, Tel Aviv 1953)

Nantes mirava la dama kon grande enkanto. Eye avia levantado e! velo. Era una mujer de kuarenta a kuarenta i sinko anyos, kurta de boy, ma muy godra, kon una figura ermoza i blanka (Nantes, Tel Aviv 1952)

Ansi miles de ombres van pasando I kedandose mirando, miles de djentes de asko, de esgrime, o de peadad ven eyos pasar sovre la figura de estos pasantes I nada no fuye del ojo de los adjentes asta ke a la fin eyos meten la mano sovre el malazedor (Matador de kriaturas, Yerush. 1908)

El mas chiko movimiento o djesto ke se aze sin kererse sovre la figura de alguno, todo es remarkado por eyos, todo es tomado de nota en sus meoyos (Matador de kriaturas, Yerush. 1908)

Todo en aziendo komo ke estan ayi delantre komo ekspektadores eyos van mirando I examinando las figuras de todos los ke son ayi delantre (Matador de kriaturas, Yerush. 1908)

deskuvri en sus ojos, en su figura i en todos sus movimientos un aire tan fino i tan noble (Manon Lescaut, Yeru. 1906)

la ironia, la ipervole i la interogasion se pueden mirar komo pertenesientes a una klase, porke en todas estas tres figuras las palavras paresen dar a entender lo kontrario de lo ke la persona kere dizir (La eskalera, Const. 1888)

la met?fora ? la mas ordinaria de todas las figuras, dize lo ke propiamente no es verdad, ma se entiende fasilmente por la semejansa entre la koza de la kual avla la persona i akeya otra a la kual asemeja (La eskalera, Const. 1888)

Blanka sos blanka vistes, blanka la tu figura, (Kalendario de kantigas)

I vido ke, ek, sus karas komo figura de beema, i se estremesio el novio i se aturvo (Sipure Noraot,1885)

i en invierno, el grande plazer para los krios era de admirar las ventanas enrozadas ande el frio lavrava modos de rozas i figuras... (Sipure Sefarad)

mirando lo ke avia kedado, el ojo se le fue a la pinturia - un kadro ke prezentava la figura de una noble dama (Sipure Sefarad)

i ansi hue yamando a todas las figuras kon muncho bizayon, i abashavan i lo servian a el ... todo loke les dezia kon muncha herpa, a karar ke todos se estremesieron de ver (manus. Papo, Sarajevo 1840)