famiya/famía f.

family; wife

de famiya/de buena famiya

בעל יחוס, ממעלה רמה, ממשפחה טובה

enkargado de famiya/ombre de famiya

מטופל במשפחה

famiya numeroza

משפחה מרובת ילדים

konsejo de famiya

כנס משפחתי

mi famiya

משפחתי; בהשאלה: רעייתי

Famiya grande, ansias grandes

Una famiya sin mujer, una familya sin fener

i le de en parte fruto de famiya. (Gaon, Poezias)

komo es tu nombre, tu famiya vera (Gaon, Poezias)

I onde esta su famiya, i onde sus kampos natales? (Odisea)

ke sierven a la verdad chikos, grandes, i famiya. (Toledo, Koplas de Yosef)

muy klaro i muy visto de apretarlos i no para matarlos komo aki keria asta la famiya (Zimrat 'ha-Arets, 1745)

Los ire sigiendo i los matare tambien los atemare viejos i famiya todos en un dia (Purim, De-Fes, sig. 18)

Dezgrasiado Auschwitz ke rovino nuestras famiyas, embezados en muncho bueno, arrastados sin manzia (En los kampos de la muerte, Violet i Sara Fintz, 1945)

Nuestra lingua nos rovaron / nuestras bienes derokaron / a nuestras famiyas las arrastavan / i komo karneros los matavan (La Amerika, 1916)

Ke alora fueron ovligados la famiya de Maymon de partir a Erets-Israel en el mez de Iyar del anyo 4925. (El Gid,1967)

i andavan ayi todos los varones [?] eyos i sus mujeres i sus famiyas i sus ijos i se alegravan ayi kon adufles i kantavlenas. (Sefer 'ha-yashar, manus. sig. 17)

Tambien kuando venia algun forastero a sus sivdades i traia su merkaderia ke merkava o keria vender, i se adjuntavan sovre el varones i mujeres, i famiyas, i mosos i viejos, i se ayegavan todos al varon i le tomavan por fuersa de la merkaderia asta ke se atemava la merkaderia del patron (Sefer 'ha-yashar, manus. sig. 17)

Manyana Israel, kontra los faltadores de guerra, kontra todos los reaksionarios, tomara lugar en la grande familia de los puevlos (La boz de Turkiye, 1948)

el chiko Andre deklaro a ke famiya eyos apartenian, (Banyos de sangre, 1912)

en el otel tenido por un viejo servidor de nuestra famiya ke tu no tuvites konosido (Banyos de sangre, 1912)

yo te vo a yevar ayi kon los papeles de nobleza ke tenemos de nuestra famiya, (Banyos de sangre, 1912)

En 1726 un djoven franses, aviendo amado a una djovena ija de famiya bien grande, (Pavlo i Virdjinia, 1912)

Las famiyas de Pavlo i Virdjinia se entraron en sus moradas (Pavlo i Virdjinia, 1912)

Sosh los kontraviadores a todo modo de famiya del uzo del ombre! (Asolado en la izla, 1881)

Entremientes la novia luzia i dulse Rivka suvio arriva kon la madre i su famiya. (Shalom, 2007)

onde todos se konosian komo una grande famiya i las mas chikas kozas ke se pasavan se azian sintir envista en la plasa. (Luz de Israel, 1985)

I es de la sorte ke el povre grego, ke era desendiente de una grande i noble famiya, ganava el pedaso de pan ke el tenia menester. (Leonidas el nadador, 1911)

de viernes a viernes, la famiya entera se sotometia a una toileta i limpieza fondemental, i esto se entiende a kavod de shabat! (La mujer sefardí de Bosna, 1931)

esto era en kaza de famiya una rezerva bendicha i muy bienvenida. (La mujer sefardí de Bosna, 1931)

kada padre de famiya ya se puede atrivir a mandar sus kriaturas ayi sin espanto ke se atrazavan en lugar de adelantarsen (El Djugeton, 1922)

Ningun klub o lugar de reunion literaria no tienen. Las kriaturas de estas munchas famiyas frekuentan las eskolas amerikanas del governo ke son gratuitas. Deviendran buenos amerikanos. (La Amerika 1910)

No ternan demenester de venir aki tan londje de sus paiz de nasimiento de sus famiyas i keridos (La Amerika 1910)

No ternan demenester de venir aki tan londje de sus paiz de nasimiento de sus famiyas i keridos (La Amerika 1910)

I portanto este padre de famiya ke se adreso ande nozotros gana a lo mas mucho 12 dolares la semana (La Boz del Puevlo, 1918)

Un padre de famiya ke embezo el mal manadjamiento de la moneda por el ''Sephardic relief committee'', se adreso ultimamente a nuestra redaksion i kon lagrimas en los ojos nos disho ke a su tiempo kontribuyo 5 dolares a el ''Sephardic relief committee'' (La Boz del Puevlo, 1918)

ma en todo kavzo Izidor no kedava sin komer ni deshava a su famiya nunka sin pan en kaza. (Hamal Izidor, Istanbul 1930)

de esta manera un padre de famiya ke gana kinze groshes al dia i ke puede pasarse kon diez a la ora fiksada de los merkaderes el se prezenta a eyos i les depozita a eyos la suma de trenta groshes (La Epoka, Sal. 1875)

todo esto, repetamos, en el eskopo de azer denegrar, al menos por el avenir, el nombre de la famiya Palache (La Epoka, Sal. 1900)

-Yo no aksepto este negro biervo... Sinyor, es ke vos salvariash una famiya del dezespero, el padre non save nada, la prenyes non es ainda ke poko avansada (Nantes, Tel Aviv 1952)

Madam Mari la gizandera era una buena mujer i de buena famiya (La famoza kantadera, Tel Aviv 1950)

ke elevos! los mejores, los mas avansados i aparteniendo todos a famiyas modestas ma onestisimas i amantes del progreso (La Epoka, Sal. 1900)

devista ke lo vean remarkavan en el un aire de distinksion, un ijo de una grande famiya i de buena edukasion (Manon Lescaut, Yeru. 1906)

yo me rendia en la Normandia por reglar unos echos de famiya (Manon Lescaut, Yeru. 1906)

Apartuviendo a una de las mas nobles i de las mas viejas famiyas de Erzurum, madam dautyan ke dizde la edad de kuarenta anyos kedo bivda, se avia konsakrado a la edukasion i a la formasion kumplida de sus dos ijas (La Ermoza Alis, Tel Aviv 1954)

Si yo tomo a esta ija eya konservara su relijion, los uzos i kostumbres de su famiya i de su nasion (La Ermoza Alis, Tel Aviv 1954)

Ya entendi ken es esta ermenia, eya es guerfana de padre, es una ija de una muy vieja i aristokrata famiya armena (La Ermoza Alis, Tel Aviv 1954)

la senyora ke avia abashado la primera de la karrosa i ke paresia de alta famiya respondio kon una boz dulse, basha i temblante (Muerta de mala muerte, Yerush. 1911)

ay djigantes en esta famiya, aunke no kresen en la Turkia, el bambu, el mas alto de todos krese en India i China (La eskalera, Const. 1888)

Davi se espozo kon una muchacha de Filibe, de muy buena famiya, (Sipure Sefarad)

Me parese ke alguno de la famiya vuestra fue niftar. (Sipure Sefarad)

el behor de la famiya lo avia dado por chirak ande un tenekedjí konosido, (Sipure Sefarad)

lo ke ganava Mamo presto lo dava enbasho para tapar los gastes de su famiya kon sesh krios i kere no kere, era ovligado de abokar kavesa i darle a Yako su parte. (Sipure Sefarad)

komo de uzo el rey se intereso por la famiya del mandradji por el echo, si se esta manteniendo i si esta kontente de su pozision. (Sipure Sefarad)

El mansevo, ke era i el de famiya muy rika, le respondió: Las paras no tienen dinguna valor para mí, porké mi padre tiene munchas paras!' (Kuentos, 1986)

El giyo de la famiya, mas djusto, el gizar, lo desharon a la vieja. (Sipure Sefarad)

No sea ke sos la dunya gyuzeli or ija de Partam pasha! Mair es de famiya rika i no es de echar aporaya

Una noche el konsejo de famiya dezeo komer pastel afrijaldado. (Sipure Sefarad)