estado m.

el estado

המדינה

estado de alerta

מצב הכן

estado de alma

מצב נפשי, מצב רוח

estado prezente

המצב הנוכחי, נסיבות

estado sivil

מרשם אוכלוסין

las leyes del estado

חוקי המדינה

los estados unidos

ארה''ב

negro estado

מצב קשה, בעייתי

ombre de estado

מדינאי

tener en buen estado

לשמור במצב טוב

las leyes del estado (Nehama)

No esto en estado de azer este plazer (Moscona)

Mujer, ayre i ventura en un estado poko tura

i ke te azian dar por model en tu estado. (Papo, Navot)

Es menester ke se avle por el estado deploravle; (8 dias antes de Pesah, 1909)

En vezes a la kama, djuzgando su estado, al avenir medita, i a lo sentensiado. ('Ha-Elion: En Kampos, 2000)

Nombre gastado / kaer de su stado / vestir emprestado / es flama del Dio (La Epoka, Sal. 1900)

-''todos nos en un estado, salidos de unos lombos; (Toledo, Koplas de Yosef)

I por mas espasio kon muncho oro el muy bien los enduro todos sus estados estan bien asentados (Purim, De-Fes, sig. 18)

Ah, senyor padre presiado, en buen lugar es mi estado, me espanto no sea akosado del yetser de la tierra (Tarika, Shira Hadasha, Izmir 1861)

nuestra istoria es de alta valor, si mos interesamos a eya, remarkamos los selebres savios del Talmud, los grandes savios dela Espanya, doktores en todas las sensias, filosofos, astronomos, poetas, ministros i ombres de estado ke azen la onor de nuestro puevlo (manus. Vitali Varon, Const. 1948)

No esta en nuestra intelijensia por entender el buen estado de algunos malos (Tefilat Imanuel, 1924)

eya resto al estado endemiko (permanente). (El Tiempo, 1924)

Viendo ke las finansas del Estado eran muy flakas i no permitian de abasteser a los menesteres de las universidades del pais, (El Tiempo, 1924)

del kuatren Estado Djudio, yamado ''Estado de Israel (La boz de Turkiye

El Estado Ddjudio es oy i el sera.(La boz de Turkiye, 1948)

Todo tiempo ke la nave ainda esta en su estado (Asolado en la izla, 1881)

Mi estado se empeso a trublar. (Luz de Israel, 1985)

Ofisielmente ainda se konta ke esta enel servisio, ma le dieron a el, el mez de hofesh auzado, komo un tiempo pasajero de estado de gerreador a estado sivil. (La Boz de Yerushalayim, 1954)

desde este punto el estado del joven se empeso a amejorear, la kaentor de la hazinura empeso a despareser i en kinze dias el hazino se izo bueno (El Djugeton 1917)

su estado se empeso a agravar i los medikos disheron ke no avia esperansa de salvarlo porke el kuerpo era flako (El Djugeton 1917)

viendose en estado dezesperado, el marido yamo a su mujer i le roga de vestirse el vestido blanko del dia de su boda i apararse delantre de el mientras media ora (El Djugeton 1917)

mientras ke eyos kuzian endjuntos eyos kantavan kantes alegres, mostrando sus grande kontentes de sus ofisio i de sus estado (El rey i el shastre, Yerushalayim 1903)

A la okazion de la imigrasion kontinuala i aktuala de Turkia en Amerika se kalkula oy una kuenta de serka 5 mil djudios espanyoles de Turkia aki en Nueva York i otra semejante kuenta se kree toparse en todos los Estados Unidos … ke vienen la mayor parte kreendo amijorar sus estado material aki en Amerika (La Amerika 1910)

La ley de imigrasion de los Estados Unidos alesensia la entrada libera a todas las personas onestas, pasivas i sanas, ke son kapaches de lavorar i mantenersen eyos propios (La Amerika 1910)

Ansi dize un telegrafo arrivado de Salonik al departamento del estado en Washington. (La Amerika, 1917)

el doktor meneava la kavesa de una manera segura en respondiendo kon moderasion a las kuestiones ke suksesevamente le adresavan sovre el estado de su malato la mas parte de los invitados (La sinyatura del kontrato, Yerushalayim 1907)

devemos bushkar un remedio de ameliorar el estado de la pasada (El prove doktor, Const. 1904)

el estado ke oy vos topash ese deploravle, vuestro padre muerto, vuestro ijo perdido sin esperansa de toparlo, i vuestro marido kondenado por toda la vida a la prizion (El prove doktor, Const. 1904)

si un persano mata a un judio el paga una multa (djeza) al estado i no a la famiya dela viktima i le kortan tambien un dedo (El Tiempo, 1896)

su estado empeoria de en dia en dia (Anna Maria, Yerushalayim 1905)

kuando yo me topi solo, yo estava en un estado singular de esprito, deskontente de aver ansi kedado solo (Anna Maria, Yerushalayim 1905)

eya retorno en kaza en un estado manziozo, mojada, tuviendo el lodo asta los dizes (La dezgrasiada Luiza, Tel Av fashaduras iv 1953)

La kamareta ke Nantes morava dizde su arrivo de Marsilya se topava en el ultimo peso (tabaka) de una kaza de la kaleja de ''Lil'', allado del Otel, del Baron Darnivelier miembro del konsilia de estado, esta kaza apartenia el Baron ke la avia echo fraguar sovre viejas fraguas.(Nantes, Tel Aviv 1952)

los ombres de estado los mas abiles se inklinaron delantre las nuevas i briyantes prevas de una intelijensia ekstraordinaria i de un takto politiko verdadmente admiravle (El Tiempo, Const. 1896)

desde la advenimiento al trono de su maestad el kzar Nikola II kreen remarkar onde los ministros i los altos fonksionarios del estado un kambiamiento de dispozisiones muy favoravle a los djidios (El Tiempo, Const. 1896)

Nozotros konosemos la sufriensa de los sin- lavoro i entendemos su estado de alma. (Manifesto de Lishkat a- Avoda, Tel Aviv 1950)

i al tanto, londje de la vida ke la muntanya del ekuator, sovre la kuala es situado este estado de esfuenyo (Herzl, El estado djidio, Sal. 1931)

la idea ke yo dezvelopo en este eskrito es muy vieja, es la kreasion del estado djidio (Herzl, El estado djidio, Sal. 1931)

El anyo 1950 fue muy difisil para el estado de Israel ke en los dos primeros anyos despues de su kreasion tuvo ke resivir unos 350 mil olim, mas del 50% de su povlasion. (Aki Yerushalayim, 2019)

Ma Turkia, komo estado kon poder finansiario, pudo investir grandes sumas para la transliterasion a letras latinas de lo ke avia sido eskrito de antes en letras arabas. (Aki Yerushalayim, 2019)

en akel estado eya paresia komo perdida i apartada de este mundo (Muerta de mala muerte, Yerush. 1911)

toda persona ke no esta mas en estado de sostener sus ovligamientos deve ser exekutada apunto, si eya no paga la diferensia rezultante de la exekusion, eya sera por solo este echo deklarada en falita (El Tiempo. Const. 1874)

todo mubahyadji en estado de falita devra en los tres dias de despues la deklarasion de falita depozitar su bilanso al komite de la bursa (El Tiempo. Const. 1874)

en pasando del estado fluido al estado solido, topan siempre la forma de kristales (La eskalera, Const. 1888)