esperar v.

kien bive esperan­do muere krepando: (Nehama)

kien de otro espera se dezespera (Nehama)

Espero de pueder reushir (Moscona)

Ken bivi esperando, muere kantando

El ke de otros espera, se dezespera

El dia ke no esperi vino el ke no pensi

Mal yevando i bien esperando

Tres kozas fuertes : Echar i no durmir, azer i no agradeser, esperar i no venir

Kuando mas resta la pera en el peral, mas espera su buen mazal

Devda, buen dia no espera

La pera espera, la mansana es mas sana

El ke bive esperando, se muere en kagando

Kien mal yeva, bien espera

Esperar del lovo karne

Kreer i esperar es la vida alargar

i antes el bole le dize: Espera! (Gaon, Poezias)

solo al Untado espera ainda. (Gaon, Poezias)

ma esperar prime ke guesos podridos (Gaon, Poezias)

La ambre, la sed te apuran; i tu mas esperas! (Papo, Navot)

espera dunke asta ke el komandan arrive i nozotros kontinuaremos la konversasion (El Triomfo de la Djustisia, Sal 1921)

Ke ya no esperava de mas ver a Yosef. (Poema de Yosef)

rehmision, salvasion, ke de nasion esperamos de el. (Toledo, Koplas de Yosef)

Mozotros esperando ke el ya entrava, vimos uno bolando ke ya se bolava albrisias el dava: (Zimrat 'ha-Arets, 1745)

Esperamos a sus chorros komo un gadol rio. (Donme, sig 18)

batieron en puertas de piadades por avrir / el ijo por ser sangrifisiado i el padre por sangrifisiar / esperantes a el Dio i en sus piadades por enfiuziar / esperantes a H' renovaran fuersa / rekiered en eredad de el Dio por seer adjuntado (Puertas de veluntad, Mahzor Rosh a-Shana, Sal. 1876)

i en noche de vente i dos, se alikudearon serka de mi muncha djente, esperando de veer la yetsia de la neshama (Shivhe Hayim Vital, Sal. 1892)

No esperas ke eya vendra detras de ti ni ke tus kompanyeros te la traen (Tefilat Imanuel, 1924)

i espero por djuisio i ek bostiya, por djustedad i ek esklamasion (Biblia, Const. 1743)

I disheron el uno al otro: no izimos bien; oy es dia de buenas nuevas, i nozotros kayamos; si esperaremos asta la luz de la manyana, nos alkansara pena.(Biblia, Const. 1873)

esperamos ke estos nobles djestos seran por siguro imitados por nuestros ermanos (La boz de oriente, 1931)

Aviendo esperado mas de un anyo para la repuesta i no resiviendo nada, eya avia kitado toda esperansa. (Pavlo i Virdjinia, 1912)

Se espera ke los lavoradores saldran viktoriozos segun salieron kon la viktoria ultimamente aki en Nueva York en la terrivle greva de la mizma bransha, ke izieron espantar a todos los fabrikantes de esta bransha (La Amerika 1910)

ma bien graves i eskandalozos ke se pozan a la atansion de todos los verdaderos pasionozos del bien del puevlo i ke azen ver el tablo amanziante dela situasion ke mos espera en un avenir non muncho leshano (Renasensia Djudia, Sal. 1920)

non mos permeteremos de dezir ke esperamos manko de muestros korelijionarios (La Epoka, Sal. 1875)

en todo kavzo, espero ke este sekreto sera guadrado adientro tu korason (El prove doktor, Const. 1904)

esperar i no venir, echar i no dormir son dos kozas las mas fuertes de mundo, i nuestro sinyor Valker sufria de esta maladia (El prove doktor, Const. 1904)

yo no esperi ke la noche amanesiera metiendome a nadar i ayudado a la klaridad de la luna yo arrivi en el paes del enemigo (Guliver, Yerush. 1912)

El kontinua sus amistades, esperando el dia venturozo onde el sera kazado kon eya. (La Boz de Turkiye, Istanbul 1948)

Despues el tuvo una sonriza, es ke topan a vendersen? los malinos ke esperan las okaziones mueren de mizeria sin meter nunka la mano sovre un merkader (Nantes, Tel Aviv 1952)

el nombre de madmazel Shoen, non le venia de embezar nada, el tomo el partido de esperar, ke eya kijera bien eksplikarse. (Nantes, Tel Aviv 1952)

despues les disho el rav a los haverim: lo ke vesh azer de mi, ansi aze i vozotros; disheron: enenu leha, ayuda del Dio esperamos (manus. Papo, Sarajevo 1840)

espera en la puerta, el ke sale enprimero el es, i se espero en la puerta lo vido tanto despedasado en su vestido, i no entendio ke era el (manus. Papo, Sarajevo 1840)

i su padre i su madre yorando noche i dia, i toda la kaza kon taanit i tefila, siendo ke mas no esperavan de alkansarlo en su lugar (manus. Papo, Sarajevo 1840)