eskonderse v. refl.

to hide oneself

El kien se eskonde detras de un dedo non puede eskonder detras de un pedo

El ombre detra del dedo no se eskonde

Eskondete detras de este monte, ma, mas presto! (Papo, Navot)

Fuye, Ye'hu, fuye! Eskondete detras de este monte! (Papo, Navot)

ken fuyo i ken se eskondio (Rebuelta de Yenicheris, siglo 18)

Todo el ke tiene ija donzeya, aun ke sea luna o estreya, la ke enveluntare el rey sera reina eya, por esto ke no se eskonda ninguna, no. (sova semahot, Livorno 1782)

i no kijo salir de ayi por no morir kon herpa i bizayon a vista de todo Israel i toparon una meara i se eskondieron en eya i lo alkanso a saver el enemigo el pasha Aspasianos (Meam Loez Yeoshua II, Izmir 1870)

en la solombra de tus alas eskondeme. (Biblia, Const. 1873)

i oyeron a boz de A' Dio andan en el guerto aparte de el dia i eskondiose el omre i su mujer delante A' entre arvol de el guerto (Biblia, Const. 1547)

i yamo A' Dio a el omre i disho ado ti? i disho a tu boz oyi en el guerto i temi ke desnudo yo i eskondime (Biblia, Const. 1547)

eyos saven ke tenemos ambre, i salieron del real para eskondirse en el kampo, diziendo: kuando salieren de la sivdad, los prenderemos bivos, i entraremos en la sivdad.(Biblia, Const. 1873)

ande eya perkurava de eskonderse lo mas possivle, (La dam o kamelia)

Se fuian eskondersen todos en sus kavanyas. (Pavlo i Virdjinia, 1912)

Del sirkulario adresado del Vatikan a todos los governos del mundo se rezume ke debasho el santo de santedad kristiana del papa se eskonde su vieja aborresion por los djudios (La Amerika, 1917)

kijendo fuyir de sus bushkidas, se resfuyo i se eskondio en la kamara de un otel (La dezgrasiada Luiza, Tel Aviv 1953)

Bayazit entendia muy bien ke detras de los atakantes se eskondia una personalita de primo plano tuviendo enteres a azer despareser Gul Bahar, sea porke la amava, sea en otros eskopos (Gul Bahar, Tel Aviv 1953)

Ma espantandose no sea ke alguno lo konoska i se akodre de su pasado, el se eskondio en un kanton debasho de una siya de los asistentes. i ansi no uvo ninguno ke lo demaskara. i kon este el se kreo eskapado. (El Djugeton, Const. 1908)

Saviendo ke para irse a kaza su ermano pasava por un kyupriiko estrecho, el riko tomo una bolsa, la incho kon oro, la metio enmedio del kyupri i se eskondio por ver loke va afitar. (Sipure Sefarad)