esforso (port.) m.

effort

Vo azer todos mis esforsos (Moscona)

Kon paga i sin paga vo a azer esforsos, por dar en vuestras manos el ombre sin remorsos! ('Ha-Elion: Shimshon, 2003)

orozamente ke nuestra ovra kon grandes esforsos izo todo lo posivle por el adelantamiento de nuestra lingua (manus. Vitali Varon, Const. 1948)

Los esfuersos del grande industrial Ford, i las malechorias de la Sosiedad sekreta Ku-Klux-Klan, no pudieron aflakar la situasion del djudaizmo (El Tiempo, 1924)

Grasias a los esforsos i a la kapachita de este ultimo, la organizasion parvino a koleksionar miles de dolares. (La Boz del Puevlo, 1918)

sin ke mos meneemos de muestros postos i sin ke agamos el minimo esforso por pasar de la teoria ala aksion (Renasensia Djudia, Sal. 1920)

seremos kontentes si kon esforsos arrivaremos a render esta gazeta tanto instruktiva komo interesante i divertiente (La Epoka, Sal. 1875)

kuantunke agamos todos muestros esforsos de non servirmos de palavras forasteras (La Epoka, Sal. 1875)

kada uno agora bolta a su lugar i kon grande esforso bushka a komprimir su dolor (Perdidos en mar, Yerushalayim 1907)

ni los esforsos de los marineros ni la pasensia i la lazeria de nozotros pasajeros pudiera nada azer por deskarrankarla de ayi (Perdidos en mar, Yerushalayim 1907)

el kondanado izo esforsos para no tener mas atakos de niervozidad (El Alakran, Tel Aviv 1954)

Aziendo un esforso sovre si mezma, eya se remetio (Mujer kriminala, Tel Aviv 1954)

se espera ke los esfuersos konjugados de las administrasiones eskolarias i del konsilio komunal arrivaran a las eskuelas a permeter a azer fases a sus gastes (La Boz de Turkiye, 1947)

yo se kuanto la vida vos fue sido dura fin agora, i kon ke koraje vos aviash penado por topar una situasion i kual es oy el rezultado triste de tantos esforsos... (Nantes, Tel Aviv 1952)

nozotros nos asosiamos kon alegria a estas manifestasiones de amor i de venerasion por nuestro augusto monarka i rogamos a Dio por ke el aga koronar de sukseso sus esfuersos por la grandor de la dinastia otomana i la prosperidad del imperio (El Tiempo, Const. 1896)

Despues de munchos esfuersos desidieron de demandar al portalero de gan eden no sea ke por yerro fue admitido ayi adentro. (El Djugeton, Const. 1908)

La Lishkat Avoda djunto kon el Ministerio del Lavoro del governo azen todos los esforsos por pujar los manaderos de lavoro i amejorear la situasion difisile de los sin-echo, (Manifesto de Lishkat a- Avoda, Tel Aviv 1950)

Ma sus esforsos kedavan sin provecho porke el puevlo yevava muncho mal de modos i maneras de indjustisias. (Sipure Sefarad)