engrandeser v.

to grow, to prosper; to raise (a child); to increase, to expand, to multiply, to empower, to exaggerate; to cause prosperity

al engrandeser de la luna

עם גידול הלבנה

engrandesimos i enmalesimos (Nehama)

el Dio engrandeska

Lo pario, lo krio i lo engrandesio (Moscona)

Engrandese la ora, engrandese el frio (Moscona)

Ijos de engrandeser, fiero de mashkar

Si te okupas muncho en el pareser te vas a engrandeser mankura de ser

Nada no engrandese la persona en ojos de enfrente kuanto una grande desgrasia ke le arriva

kuando s'engrandesera i s'eskarinyara de su tierra. (Odisea)

Despues de las palavras las estas, engrandesio el rey a 'Haman, ijo de Hamdata, i puzo su siya de todas las siyas mas alta; a el ke kiere abedigua, i a el ke kiere matar, mata; ke no ay kien le diga ni si, ni no. (sova semahot, Livorno 1782)

I todo el ke akonseja sovre nos i sovre tu puevlo Israel konsejo bueno i pensamiento bueno, enforteselo, bendizelo, engrandeselo, afirmalo, (Tefilat kol Pe,1891)

i biven i engradesen i enfloresen (ve-'Hohiah Avraam, Izmir 1877)

save por sierto ke por prendermos bivos mos yaman para engrandeser sus famas en el mundo i por aformoziguarsen i alavarsen (Meam Loez Yeoshua II, Izmir 1870)

Este dia empesare a engrandeserte en ojos de todo Israel (Biblia, Const. 1873)

Ke ansi dize el pasuk A' envelunto por su djustedad se engrandeska la ley i se enforteska. (Mishna: Tefilat kol Pe 1874)

I Tu me deste el eskudo de tu salvasion, i tu umildad me engrandesio (Biblia, Const. 1873)

i disho Yeuda a Tamar su nuera: esta bivda en kasa de tu padre asta ke engrandeska Shela mi ijo (Biblia, Const. 1547)

Komo A' fue kon mi senyor el rey, ansi sea kon Shelomo, i engrandeska su siya mas ke la siya de mi senyor el rey David. (Biblia, Const. 1873)

es el de kriyar i de engrandeser a su ninyo. (La boz de oriente, 1931)

eya es mi dama de kompanyia, una ninya ke yo rekoji, engrandesi, i eduki; es la ija del viejo sekretario de mi defunto marido (La Epoka, Sal. 1900)

eya tenia un aire dulse de tristeza ke la engrandesia i le azia pareser una mujer (La Epoka, Sal. 1900)

Es klaro ke sinyor Sevita despues de avervos aperfijado i engrandesido en su kaza, no pudo rezistir a vuestra mansevez (Mujer kriminala, Tel Aviv 1954)

de el Dio ke me la mando a esta, damelda ak?, yo la perfijare i la engrandesere a la relijion judia i kuando viene el padre, kolay sera. (La famoza kantadera, Tel Aviv 1950)

este rizin nasido vas a tomarlo tu i lo vas a engrandeserlo por tu kuento fin ke el Dio se apiada de mi i me se enderecha los echos (La famoza kantadera, Tel Aviv 1950)

yo lo kresi i lo engrandesi, otros s'estan gozando. (Kalendario de kantigas)

Si estos eran muestros ijos, denpues ke tanto penimos i los engerandesimos i los kazimos al kavo mos desharon i se fueron. (Yihya al Akra, Manus. Yerushalayim 1920)