dunke/dunkuey (it.) conj.

hence, therefore, as a result

dunge (it.)

134580

dunke devemos ke ... (Moscona)

dunke dishimos ke ... (Moscona)

gana poko, dunke gasta poko (Nehama)

Va dunke! Ovra, Izevel! Furia del inferno! (Papo, Navot)

espera dunke asta ke el komandan arrive i nozotros kontinuaremos la konversasion (El Triomfo de la Djustisia, Sal 1921)

I dunke, dize la kompanya de Israel, si aunke ainda no arrivo el tiempo fiksado de la regmision, azela apresurar por nuestras buenas ovras i rigmemos regmision kumplida i realiza tus buenas promesas. (M''L Kantar de los Kantares,1899)

La mobilizasion personala i finansial del djudaizmo franses kontinua dunke sin arres­tarse. (La boz de Turkiye, 1948)

Pavlo, dunke, es nuestra unika esperansa. (Pavlo i Virdjinia, 1912)

Ansi dunke es por ke yo asista a esta fiesta ke izites trayer esta djoya? (Rolando i Eleonora, 1953)

Dunke, kada independiente ke deve pagar ''Makdema'' este mez sigun el pursentaje ke le fiksaron, deve adjustar otros 10 por sien. (Luz de Israel, 1985)

Marsella, dunke, fue una buena madre para los gregos resfuidos, los kualos, en el repozo i seguridad del lugar, podian i pudieron pensar en diversas formas para venir en ayudo de sus ermanos sufrientes i esklavos en Turkia. (Leonidas el nadador, 1911)

Dunke miri akeya aparision kon ojos redondos de enkanto. (El Princhipiko, 2010)

Se esta viendose ke es vuestro kismet estas gayinas, dunke ke seya ansi asigun el presio ke dishites. (Hamal Izidor, Istanbul 1930)

Sinyor de Mino ke los doktores kondanavan avia el dunke raportado la salud i la vida de su kaza a Milton? (La sinyatura del kontrato, Yerushalayim 1907)

se determino dunke a pagar los kupones de kada ovligasion fin a sinko anyos kumplidos, metad kontante i metad en ovligasiones kon el sinko por sien de interes (La Epoka, Sal. 1875)

yo avia kaido dunke en el pais de los nanikos i todo lo ke avia i enkontrava era chiko i muy chiko (Guliver, Yerush. 1912)

el onor estava dunke salvo i la pas de la kaza asigurada (Anna Maria, Yerushalayim 1905)

Vos rogo dunke de avizar al Papas porke me akompanye al Saray onde lo espera su alteza (Gul Bahar, Tel Aviv 1953)

entusiasmadas de admirasion i esmovidas de agradesimiento, las populasiones del imperio otomao tienen dunkuey muncha razon deselebrar este anyo kon mas grande briyo el dichozo aniversario del nasimiento de sus bien amado soverano i de rogar kon fervor al todo potente de konservar longo tiempo sus dias presiozos (El Tiempo, Const. 1896)

Konvensidos de esto ke el matador va pasar delantre del lugar donde el matado esta ekspuesto, los adjentes sekretos de la polisia se meten dunke en ovra (Matador de kriaturas, Yerush. 1908)