djesto m.

gesture

darse a entender kon djestos

להבין בלי מלים, בתנועות

un djesto djenerozo (Moscona)

El ken al guerko vido su negro djesto le keda

i todos sus djestos mostran jentileza (Gaon, Poezias)

Entiende lo ke pasa, un djesto brusko aze, i komo si son filos las kuedras las dezaze. ('Ha-Elion: Shimshon, 2003)

Penso dos, tres minutos, despues les dize esto: ''Sinyores, muchas grasias por vuestro lindo djesto, muy kiero ayudar yo, so buena patriota, ('Ha-Elion: Shimshon, 2003)

ke lo agas de tal djesto ke ganes muncho dinero. (Toledo, Koplas de Yosef)

kavod meresen i muncho respekto / por sus kantes i sus buen djesto (manus. Vitali Varon, Const. 1948)

un riko Israelita, Sr. Buzil, aze el noble djesto de tomar a su karga estos menesteres ke se elevan a munchos miliones (El Tiempo, 1924)

esperamos ke estos nobles djestos seran por siguro imitados por nuestros ermanos (La boz de oriente, 1931)

El ke ave meldado asta aki va de vista levantar los ombros i kon un djesto de indiferensia, duda i mizmo de burla va dezir ke esto es falso i ke nunka nunka esto puede ni puedra arrivar. (El muerto ke esta bivo, 1912)

La figura, los ojos aviertos, todo era sangrudo i bivo; ma ningun movimiento, ningun djesto ke indikara ke la vida era adientro de akel kuerpo. (El muerto ke esta bivo, 1912)

sinyor Valker salia de la kaza del baron Rishard kon un aire triste, una sudor yelada korria de su frente, sus ojoos eran kolorados i kon sus manos azia munchos djestos (El prove doktor, Const. 1904)

Jak se arranko kon un djesto brusko la gravata ke le apretava el garon (Mujer kriminala, Tel Aviv 1954)

Gul Bahar i su esklava se toparon atadas de piezes i de manos, la boka serrada kon una rida, en la emposibilita de prononsiar la minima palavra, de azer el minimo djesto (Gul Bahar, Tel Aviv 1953)

El mas chiko movimiento o djesto ke se aze sin kererse sovre la figura de alguno, todo es remarkado por eyos, todo es tomado de nota en sus meoyos (Matador de kriaturas, Yerush. 1908)

Una otra vez, un manseviko de una vista poko novle, se keda komo tomado a la vista del matado. Despues el reviene en si, mira kon mas atension adientro del vidro, aze entre si senyales kon sus ojos, mira mas mejor ainda I en fin aziendo unos djestos kon los lavios el se retira de ayi (Matador de kriaturas, Yerush. 1908)

Nisimachi alevanto los ombros i izo un djesto komo por akodrarse i disho: (Sipure Sefarad)

El kondanado izo un djesto de dizgusto i disho a los djellates ke se lo yeven a la forka. (Sipure Sefarad)