Avia un rey en Fransia ke tenia i tres ijas
La mas chikitika d'eyas Delgadilya se yamava x2
Un dia sentada en la meza su padre ya la mirava
Ke me mirash sinyor padre vos me mirash i me matash
Yo vos miro la mi ija ke de vos me namori yo
Ma yo no kero ser komplesa ni madrasta de mis ermanas
Altos altos kavalieros fraguald' una kula alta
Sin puertas i sin ventanas ayi alientro enkashada
Por komer le vash a darle karne kruda i ensalada
I por bever le vash a darle sumo de larandja amarga
Paso tiempo i vino tiempo fin de kinze dias
Presipio de dos semanas por ayi paso su 'rmana la grande
Kon senya de oro por ayi la pasava
Ermana mia mi kerida dame un pokitiko d'agua
Ke de ser i no/non de ambre a 'l/el Dio vo dar mi alma x2
Kaya, kaya Delgadilya kaya, kaya perra mala
Si el rey tu padre save la kavesa te kortava
Paso tiempo i vino tiempo fin de kinze dias
Presipio de dos semanas por ayi paso la rena tu madre
Kon selya de oro por ayi la pasava
Por ayi paso la rena tu madre kon selya de oro por ayi la pasava
Madre mia la mi madre dame un pokitiko de agua
Ke de ser i non de ambre a el Dio vo dar mi alma
Kaya, kaya Delgadilya kaya, kaya la mi ija
Ke yo de tu padre era d'esto todo te 'skapava
Si yo de tu padre era d'esto todo te 'skapava
Paso tiempo i vino tiempo fin de kinze dias
Presipio de tres semanas por ayi paso el rey su padre
Kon senya de oro por ayi lo pasava
Por ayi paso el rey su padre kon senya de oro por ayi lo pasava
Padre mio i mi kerido dame un pokitiko d'agua
Ke de ser i non de ambre al Dio vo dar mi alma x2
Altos, altos kavalieros trayelde un pokitiko d'agua
Fin 'sta ke trusheron l'agua Delgadilya dio l'alma
Altos, altos kavalieros trayelde una poko de agua
Fin a ke trusheron l'agua la romansa s'eskapava
Fin a ke trusheron l'agua Delgadilya dio su alma
Fin a ke trusheron l'agua la romansa s'eskapava.

Eskuchar / Listening

האזנה לשיר

Notas musicales /musical notes

1793

תווים

Notas / Comments

הערות

Titulo / Title

Delgadina

כותרת

Numero del enrejistramiento
Record No.

187/01

סימון קלטת

Numero del informante
Informant No.

308

מספר מידען

Nombre del informante (ebreo)
Informant name (Hebrew)

אוריאל מזרחי

שם מידען (עברית)

Nombre del informante (ladino)
Informant name (Ladino)

Mizrahi Uriel

שם מידען (לאדינו)

Lugar de enrejistramiento
Record place (Ladino)

Ako

מקום ההקלטה

Tradision / Tradition

Turkia

מסורת

Nombre del enrejistrador
Recorder name

Self Recording

שם המקליט

Anyo de enrejistramiento
Record year

1984

שנת הקלטה

Jenero literario
Literary genre

RM רומנסה

סוגה (ז'אנר)

Numero de katalogo
Catalogue No.

MP-P2

מספר קטלוגי

Numero de fonksionamiento
Function No.

בלתי מוגדר

תפקוד