(Por) empisar kero a kontar
Una grande istoria
Meter tino i pinsar
En esta memoria
Es una grande gloria
Ke ay de kuntar
Mandaremos a djuntar
Ken es mi amigo
Ke koma konmigo
I bendicho seya el Dio
De el alto sielo
Porke tanta sensia mos dio
Para konoserlo
Enverano i invierno
Lo alavare
I tambien lo bendizire
Tadre i manyana
Kon toda mi alma
I grasias daremos al Dio
Ke nos a eskapado
De las manos de Aman
Agagi el malo
I el kon sus manos
Se kijo enramar
I no pudo eskapar
Di mala sitensia
Morio sin dolensia
Dio le dio grandezas
A esti bandido
Por tomarse kon judios
Perdio el su tino
Komo un espino
Se kijo enramar
I rikezas por su mal
Tenia denero
Yeno su siyeros
Aziendas el tenia
En grande manera
A el rey le prometio
Toda su moneda
En toda manera
Tu mi as de azer
Tu a mi esti plazer
Ke me vendas todo
Al ojo dio (o)skun oro
Vino Maman en kaza
A kontar del erro
Eskadrunyo i avrio
Todos sus siyeros
Los konto enteros
Diezmil kintales
Tambien munchos metalis
De plata i oro
Todos a su modo
Zera de Israel
Komo sintio esto
Kon Mordehay el judio
Si akodieron presto
Kon grande ridjestu
A esklamar al Dio
Tambien el nos respondio
Pork'en akel dia
Fue grande alegria

Eskuchar / Listening

האזנה לשיר

Notas musicales /musical notes

1763

תווים

Notas / Comments

הערות

Titulo / Title

La historia de Amán y Mardoqueo

כותרת

Numero del enrejistramiento
Record No.

181/05

סימון קלטת

Numero del informante
Informant No.

47

מספר מידען

Nombre del informante (ebreo)
Informant name (Hebrew)

רוזה אבזאראדיל

שם מידען (עברית)

Nombre del informante (ladino)
Informant name (Ladino)

Avzaradel Roza

שם מידען (לאדינו)

Lugar de enrejistramiento
Record place (Ladino)

Ashdod

מקום ההקלטה

Tradision / Tradition

Rodes

מסורת

Nombre del enrejistrador
Recorder name

Moshe Shaul

שם המקליט

Anyo de enrejistramiento
Record year

1984

שנת הקלטה

Jenero literario
Literary genre

CP קופלאס

סוגה (ז'אנר)

Numero de katalogo
Catalogue No.

מספר קטלוגי

Numero de fonksionamiento
Function No.

Paralit. Purim פרה ליטורגי פורים

תפקוד