Tres anyos de dolor
De ke la gerra se diklaro
Un klavo en el kurason
A las madres ya mos intro

Ayde Padre, Padre,
Padre piadozo
Manda paz i repozo
Manda la viktoria a los aliados
Los ijos mos vengan viktoriozos

Del dia ke la gerra se diklaro
L'alegria de las madres se pidrio
Pensando el dia de oy
Komo se van yirsen al fron(t)

Ayde Padre.....

Yorando vamos noche i dia
Demandando paz i viktoria
Zehud de la manseveria
Las madres no veygan manzia

Ayde Padre.....

Los padres van esklamando
Las madres van yorando
Al Dio de los altos yamamos
De muestros ijos tomi kargo

Por esto el Dio aga un milagro
Los traiga atras bivos i sanos

Ayde padre...

Las kazadas si van apurando
A los maridos ya van asperando
Las kreaturas van yorando
A sus padres van bushkando

Por esto 'l Dio aga un milagro
Los trayga atras bivos i sanos
Ayde ijos presiados di las madres
Veni atras todos saludozos

Eskuchar / Listening

האזנה לשיר

Notas musicales /musical notes

1263

תווים

Notas / Comments

(Esta la kompozi yo Moris i Salomon kuando estava en New York)

הערות

Titulo / Title

Bendición a los aliados

כותרת

Numero del enrejistramiento
Record No.

127/06

סימון קלטת

Numero del informante
Informant No.

190

מספר מידען

Nombre del informante (ebreo)
Informant name (Hebrew)

אליאונורה חלפון

שם מידען (עברית)

Nombre del informante (ladino)
Informant name (Ladino)

Halfon Eleonora

שם מידען (לאדינו)

Lugar de enrejistramiento
Record place (Ladino)

U.S.A.

מקום ההקלטה

Tradision / Tradition

Rodes

מסורת

Nombre del enrejistrador
Recorder name

Self Recording

שם המקליט

Anyo de enrejistramiento
Record year

1981

שנת הקלטה

Jenero literario
Literary genre

CP קופלאס

סוגה (ז'אנר)

Numero de katalogo
Catalogue No.

מספר קטלוגי

Numero de fonksionamiento
Function No.

Asker צבא

תפקוד