El Dio disho "ke bueno fuera,
Mundo ke uviera"
El krio sielos i tierra
Disho a la luz ke fuera
Dia primero de Shabat
Hay, hay, hay
Dia primero de Shabat

Vengan las aguas a parte
De todas las partes
Fuego kon agua ke non se amate
Disho el Dio Rey Komandante
Dia segundo de Shabat
Hay, hay, hay
Dia segundo de Shabat

El Dio krio dos luzes beyas
Para ke arelumbren eyas
Krio sol, luna i estreyas
Frutos agan krisir, eyas
Dia tresero de Shabat
Hay, hay, hay
Dia tresero de Shabat

El Dio disho "Luvias ke uviera"
I El las bindishera
La mar de peshe se inchera
Aves volen por la tierra
Dia kuatreno de Shabat
Hay, hay, hay
Dia kuatreno de Shabat

De la tierra yerva salga
I verduras ayga
Arvoles frutos ke agan
I kon simiente salga
Dia sinkeno de Shabat
Hay, hay, hay
Dia sinkeno de Shabat

De la tierra behemot kiten
Hayot (1) sirpiente
El krio kon forma djente
Se muchiguen en el Olam (2) podesten
Dia sejeno de Shabat
Hay, hay, hay
Dia sejeno de Shabat

Dio baragan sin asemejansa
El kria i non kansa
El krio toda kriansa
Mos dio el Shabat por olgansa
Para ke olgemos el Shabat
Hay, hay, hay
Para ke olgemos el Shabat

Dio grasiozo i piadozo
Alegria i gozo
Mos dio 'l Shabat por repozo
Lo dio a su puevlo ermozo
Para ke repozemos en Shabat
Hay, hay, hay
Para ke repozemos en Shabat

Semen de Yaakov eskojites
Shabat mos distes
El mundo por nos izistes
Rihmemos asegun dishites
Az por el zehut(3) de Shabat
Hay, hay, hay
Az por el zehut de Shabat

Rihmemos ke semos tus siervos
Solo a ti siervo
Por Shabat korgo komo el siervo
Sigun meresko no siervo
Az por el kavod(4) de Shabat
Hay, hay, hay
Az por el kavod de Shabat

Eskuchar / Listening

האזנה לשיר

Notas musicales /musical notes

1026

תווים

Notas / Comments

(1) Behemot, hayot (ebreo) : animales (2) Olam (ebreo) : Mundo (3) Zehut (ebreo) : Por el merito (4) Kavod (ebreo) : Onor, respekto (3) Misrim (ebreo) : Ejipsianos (4) Paro (ebreo) : Paraon, rey de los Ejipsianos

הערות

Titulo / Title

La creación del mundo

כותרת

Numero del enrejistramiento
Record No.

103/09

סימון קלטת

Numero del informante
Informant No.

9

מספר מידען

Nombre del informante (ebreo)
Informant name (Hebrew)

אברהם אגלמז

שם מידען (עברית)

Nombre del informante (ladino)
Informant name (Ladino)

Aglamaz Avraam

שם מידען (לאדינו)

Lugar de enrejistramiento
Record place (Ladino)

מקום ההקלטה

Tradision / Tradition

Turkia, Ankara

מסורת

Nombre del enrejistrador
Recorder name

Moshe Sevilla Sharon

שם המקליט

Anyo de enrejistramiento
Record year

1980

שנת הקלטה

Jenero literario
Literary genre

CP קופלאס

סוגה (ז'אנר)

Numero de katalogo
Catalogue No.

MP-E1

מספר קטלוגי

Numero de fonksionamiento
Function No.

Paralit. Shabbat פרה-ליטורגי שבת

תפקוד