חלה אחר מהמלכים חלי מוות ויקבוץ בניו ובני ביתו וקרוביו שעה לפני מותו ויאמר להם: "בא הנושה לקחת את נשיו. ועתה הנני מצווה אתכם דרך חיים ומלמדכם להועיל, התחברו, תעזרו, התקבצו, תתאמצו, וישמע הקטן מכם לגדול וירחם הגדול על הקטן, ילמד היודע לפתי ויקבל הפתי ממנו ויתן העשיר לחלך, ויודה החלך לעוזרו, יתוודה החוטא לאשר חטא לו ויקבל תודתו ויכפר לו. דעו, כי תחיו מאוספים ותכלו מפורדים."

ויאמר לאחר מעבדיו הגיבורים: "הבא אלי עשרה חצים."

ויביאם לפניו. ויאמר: "קבצם בידך."

ויקבצם. ויאמר לו המלך: "‏התחזק בגבורתך ושברם כולם יחד."

ויתחזק עליהם ולא היתה בו יכולת לשברם.

ויאמר לו המלך: "השליכם ארצה."

ויקרא המלך לאחר מעבדיו הקטנים, ויבוא. ויאמר לו: "קח החצים האלה אחד לאחד ושברם."

ויקח אותם וישברם כולם.

וישב אל בניו ואוהביו ויאמר להם: "יהיה דבר החצים אשר ראיתם, כי לא נשברו בהתקבצם ונשברו בהיפרדם, לעדות עליכם ולמשל בפיכם."

(ו, קה). משלי ערב: הלבנון, ב, 208. ב"י, 167-166, 282.