Alavar kero al Dio
Kon tanyer i kante
Siendo el non perdio
Amistad avante
De un ombre berbante
El mos eskapo
I Aman lo enkampo
Tuv' una fayita
Non topo fuyida
Bushko Aman el mamzer
De kerer merkarmos
Esto lo kijo azer
Por atimarmos
No mos ulvidamos
Esta inimistad
Meldamos kon amistad
De la vieja estoria
Lo tenemos en memoria
Ya 'ste nos asodesio
Por mor de un perro
Basta ke no mos vensio
Mashko muncho fierro
Este negro yerro
Le fue gran fisat
Basta ke no ls de kisat
Komeremos djunto
Beveremos djusto
Devemos azer djimbush
En estos dos dias
Sovre el inchir el hibush(2)
Ande los Nahmias
Por azer konkiyas
A el Amalek
Agan banyos kon tilek
Todo va a un presio
No meresh el resto
En ke lo azemos
Por mitzva presiada
Kon repozo tomeremos
De la manyadada
Raki de entrada
Bevan kon mize
Si en este ferize
Se topan kontente
Lo meten en mente
Zeman de la orasion
Meteldo en el tino
Esto es la kondision
Nuestra de kontino
Sedaka al meskino
Devemos dar
Sin echar a olvidar
Manos kon las manos
I kon los ermanos
Tambien aleshados
Hevrot salen akojer
De kaza en kaza
Bushkan de arrekojer
Asigun su kavza
Kon un vazo sin aza
Salin a heshbon
No azin ningun albon
De ninguna koza
Van komo la roza
Yayin manden a tomar
Ke sea de mindja
Si beve sin asumar
Kopikas di boka ancha
Es komo la spondja
Komo la portukual
Aparejen un bokal
Dospues una bota
No keda ni gota
Klal de este Purim
Es avrir las manos
Diziendo Allah Kerin
I beve ermanos
Komed endianos
Sufritos i kibap
Kada uno su erbap
Ordinen la meza
Sin aver manteka
Libertad mos dio el Dio
Kon muncho koraje
Siendo a mos (?) fuerte
Poder de todo vantaje
Ken es de linaje
Agan bien dikat
De no azersen sakat
Ke bevan kon pezo
I esten a su sezo
Manden a tomar kieman
Takum entero
Kantando lo de Aman
Kon un buen pandero
Ken es el primero
Salga a baylar
No perkuren de avlar
Ke estan kantando
Paras vaygan dando
Negro le fue el mazal
Siendo fue vendido por el terike
Bushko de echar leke
Ke tenia selo
No miro el sielo
Tenemos ke adjuntar
Todos los vizinos
Para tanyer i kantar
I privar los vinos
Troken maruchinos
I ke den bakshish
Salsichas metan al sish
Las mesas bien artas
Frutas i salatas
Kuando salio el verdik
Ke se enkolgara
Kon kalpak i kon toma(?) yakishiar
Ken i ken meraran por ver maimon
Kolgado en el timon
Al sinyor onrado bien amizurado
Revales del dovlet se maraviyaron
De este negro millet komo eskaparon
Al Dio alavaron kon muncho plazer
Siendo estavan bezer
Grandes komo chikos
Proves i tambien rikos
Shenlik i todo sus ...
Izieron la djente
Les fue un negro sinyal
A todos sus parientes
Miravan d'enfrente sin ezvarear
Non avia adjidiar de los inimigos
Al presio de igos
Tanit apregono Mordehay el djusto
Ninguno dezayuno tres dias a punto
Se vistio de luto la reina Ester
Ansi fue demenester
Por un ombre malo
Del mundo arrankado.

Eskuchar / Listening

האזנה לשיר

Notas musicales /musical notes

1757

תווים

Notas / Comments

הערות

Titulo / Title

La celebración de Purim

כותרת

Numero del enrejistramiento
Record No.

180/07

סימון קלטת

Numero del informante
Informant No.

47

מספר מידען

Nombre del informante (ebreo)
Informant name (Hebrew)

רוזה אבזאראדיל

שם מידען (עברית)

Nombre del informante (ladino)
Informant name (Ladino)

Avzaradel Roza

שם מידען (לאדינו)

Lugar de enrejistramiento
Record place (Ladino)

Ashdod

מקום ההקלטה

Tradision / Tradition

Rodes

מסורת

Nombre del enrejistrador
Recorder name

Moshe Shaul

שם המקליט

Anyo de enrejistramiento
Record year

1984

שנת הקלטה

Jenero literario
Literary genre

CP קופלאס

סוגה (ז'אנר)

Numero de katalogo
Catalogue No.

מספר קטלוגי

Numero de fonksionamiento
Function No.

Paralit. Purim פרה ליטורגי פורים

תפקוד