depozitar v.

הפקיד, הפקיד למשמרת, מסר לשמירה; יצר משקע

to deposit,to deposit to guarding, hand over to guarding; o create a precipitate

depozitar paras a la banka (Nehama)

depozitar komanya para la enviernada (Nehama)

l'azeite i el vinagre depozitan madre (Nehama)

Kon esta falta el doktor Seballos iva pedrer no solo su dinyidad i su onor, ma tambien una suma muy importante de moneda ke el tuvo depozitado en la banka del governo por el kavzo en el kual el no reushiria. (El muerto ke esta bivo, 1912)

una kasha de esparmio sierve a resivir las mas chikas sumas de moneda de kualunke persona ke kere depozitar (La Epoka, Sal. 1875)

si el ke depozito las paras non kere ainda retirarlas, la administrasion [...] merkan por su kuento i sin gastes una ovligasion de segunda rendida (La Epoka, Sal. 1875)

de esta manera un padre de famiya ke gana kinze groshes al dia i ke puede pasarse kon diez a la ora fiksada de los merkaderes el se prezenta a eyos i les depozita a eyos la suma de trenta groshes (La Epoka, Sal. 1875)

yo el afirmado abasho deklaro kualmente mi moneda depozitada en la banka de sinyor Valker Parlamper, suviendo a la suma de 17 miliones de frankos me fue remetida i no tengo mas ningun dar i aver kon el (El prove doktor, Const. 1904)

I eya se retiro despues de aver diskriktamente depozitado sovre la meza un anvelop ke kontenia, un bilieto de 500 frankos. (Nantes, Tel Aviv 1952)

La morgue es un lugar onde depozitan los kadavres de las personas ke son topadas muertas o ke mueren en los espitales I ke no konosen ken son estos kadavres (Matador de kriaturas, Yerush. 1908)

todo mubahyadji en estado de falita devra en los tres dias de despues la deklarasion de falita depozitar su bilanso al komite de la bursa (El Tiempo. Const. 1874)