chikez f.

ילדות, קטנות; קוטן

childhood, youth; smallness

Ke chikez de poyo ke merkates! (Moscona)

De chikez ke yo traziero i leo livros de sensia (Gaon, Poezias)

de todas las servideras, i en su chikez lo mantuvo. (Odisea)

Estas muntanyas de enfrente onde yo pasi kaje toda mi chikez en la mandra de mi padre, (Rinio, 1906)

Dizde su chikes el djoven Moshe ya amostro ke el devia ser una Luz en Israel. (El Gid,1967)

i pasando dias munchos se olvido el nombre de el Sh.Yit.de boka de todo el mundo i no konosian por Dio otro ke akea figura de palo i piedra tanto los ombres komo las mujeres i los chikos ke vieron de su chikez (Meam Loez, Devarim II, Const. 1773)

estas mirando estos vidros, son almas de tus ijos ke se murieron en sus chikes i estan de kontino en las djifias de aguas de sus padre (Shivhe Hayim Vital, Sal. 1892)

Ansi se pasava sus primera chikez; (Pavlo i Virdjinia, 1912)

Solamente, el non era umilde komo su padre, siendo el non avia sufrido en su chikes, (Vaye de los yoros, 1935)

A la razon ke de mi chikes me uzi por onorarlos a oro i a la plata mas de todo modo de kovdision del mundo, no tuve el koraje por echarlos komo el estierkol, (Asolado en la izla, 1881)

mientres su chikez eya bivio en un ambiente turko, en el mas puro oriente. (La mujer sefardí de Bosna, 1931)

De su chikes el dezeava ser una grande fuersa, i munchos se riyian de el kuando siempre en sus konversasiones dizia: Yo vo devenir una fuersa. (Nantes, Tel Aviv 1952)

Charlie el riko, el milionario non podia olvidar su chikes ke paso adientro la mizeria i kaji en todos sus filmos el mostrava shenas semejantes. Ansi tambien es su oltimo filmo. (La boz de Yerushalayim, Yerush. 1953-4)

Charlie el riko, el milionario non podia olvidar su chike ke paso adientro la mizeria i kaji en todos sus filmos el mostrava shenas semejantes. Ansi tambien es su oltimo filmo. (La boz de Yerushalayim, Yerush. 1953-4)