yerno m.

חתן

son-in-law

amistad de yerno, sol d'invierno (Nehama)

yerno - komo el sol del invierno (Moscona)

Nu lu yames a tu yerno, yerno, si no le metes el aniyo al dedo

El yerno en la kaza del esfuegro es liviano komo el salvado

El hamin i el yerno komo te sale

Amistad de yerno, sol de invierno

El suegro kon el yerno - komo el sol de envierno

Yerno vakante / esfuegro sekante / su bien al enkante / dezgrasia del Dio (La Epoka, Sal. 1900)

siendo eres mansevo kumplido munchos rogaran de tenerte por yerno. (Meam Loez Bereshit)

despues ke apronto la repuesta, la embiyo onde su yerno para ke la apruve (El gid, Istanbul 1967)

no lo konosimos por yerno, otro por sovrino (Yede David, Sal. 1867)

agora ke salio bien en poder de el kodja bashi, supimos sierto komo fueron matados de el yerno del kodja bashi (Yadav shel Moshe, Sal. 1812)

el echo de un perro del hirvat, el yerno del kodja bashi de aki es ke lo mato (Yadav shel Moshe, Sal. 1812)

I disheron los Pelishteos: kien izo esto? i respondieron: Shimshon, yerno del Timnita, porke le tomo su mujer, i la dio a su kompanyero. (Biblia, Const. 1873)

entre los espektadores ke avian en el banko del tribunal se avia tambien en el ultimo banko un ombre bien vestido ke azia atansion a los interrogatorios del yerno del baron (El prove doktor, Const. 1904)

el yerno ya mos afito, es un ijo bindicho i buen chalishkan i mi Davi tambien. (Sipure Sefarad)

El esfuegro kon el yerno komo'l sol del envierno (Blanka Flor)