yamarse v. refl.

נקרא

to be called

komo se yama? (Nehama)

komo te yamas? (Moscona)

komo se yama en fransez? (Moscona)

Akel se yama alegre i kontente. el ke tiene plazer de el prospero de el de enfrente

Uno ke se yamava djudio falaguero; (Poema de Yosef)

Bushkando va en ke mez murio el pastor fiel no supo en akea vez nasio muestro goel pastor de Israel se yamo Moshe (Purim, De-Fes, sig. 18)

gran senyor vos yamash, so guestro esklavo / i mis ijos i mi bien de kavo asta ravo / no oigash algun klavo / esto vos dire / i al rey bendizire / ke esto no es mi echo / ni dingun provecho (manus. Teza, 1820)

i se yama ke se adjunta kon nida, (Meam Loez Bereshit)

I lo mizmo izieron en el livro ke se yama Hovot 'ha-Levavot; (Meam Loez Bereshit)

de ke se yama ke eyos propios son los dotrinadores i los ariftadores, (Meam Loez Bereshit)

komo te yamas i onde venites, i ke es tu melaha, i ke ay eskrito en este livro? (Shivhe 'ha-Ari, 1911)

I Belshatsar tenia una ija ke se yamava Vashti i estava durmiendo i de la reboltina se desperto i vido ke estavan matando i preando unos a otros i no savia ke koza es (Meam Loez Ester, Izmir 1864)

I no le metio titolo de meleh por siba ke no meresia a yamarse meleh siendo no tenia rijos de malhut i azia echos de tipeshim (Meam Loez Ester, Izmir 1864)

El shemad de 140 fue ke se bolto un djudio ke se yamava Yehoshua Ha-Lorki (Shevet Yeuda, Viena 1859)

estos no se yaman ? dias buenos, se yaman dias de afriision (Pele Yoets I, Viena 1870)

Estando favlando kon un turko ke se yama Piri por el fecho se estavan los kaminos danyados (Ma'harshah [1540-1602], Saloniki 1730)

me disho ke el tenia un selanikli en su kaza ... ke se yamava Moshe Yeuda, un alto, savia meldar, i me disho ke niftar en su kaza ke komio datles i raki i se murio (Yede David, Sal. 1867)

le fui a demandar a un mumar ke se yama Usen, ke de antes se yamava Yosef Ashkenazi : ke es ke tardastes de venir fista agora? (Bet David, Sal. 1740)

savresh senyores komo me mandavan a una aldea ke esta un djudio ke se yama Somea Arogarli, o kon dinero o sin dinero, para bushkar remedio para enterrar Yits'hak Almeridi n''e o para saver algun remedio (Responsa Yom Tov Tsahalon, Venezia 1694)

Se yama barragan kien vense sus pasiones (Tefilat Imanuel, 1924)

Esta nave se yamava Mahmud i era yena de flores, girlandas i kordelas. (Leonidas el nadador, 1911)

Ken es el Djidio ke no le kresieron alas? No se yama Djidio el ombre si no es aire, i su vida es polvo i aire, i sus echos no son mas ke aire, i sus pensamientos tambien son aire. (Otniel Hodja, 2002)

Todos los penserios en akeos dias se rodeavan por un lugar, ke forma el va entrar a lo ke se yama la vida sivil? (La Boz de Yerushalayim, 1954)

djugar a dos o a tres groshikos la partida no se yama djugar a interes (La Epoka, Sal. 1900)

Yo me esto indo, esta kriatura se va yamar DIAMANTE i no mankare de pensar siempre en ti. (La famoza kantadera, Tel Aviv 1950)

Mi nieto, ke no manke, trusho una gazetika ke no se komo se yama, i esta meldando i yo no esto entendiendo nada. (El Djugeton, Const. 1908)

aki en Konstantinopla kaje todos los ninyos i ninyas konosen bien esta ave (el somorgujo) ke se yama kon razon por los turkos el karabatak (La eskalera, Const. 1888)

Komo te yamas, mansevo? (Sipure Sefarad)

la enkomendo a eya: Si te viene aki un haham ke se yama ribi Meir, akavidate de azerle kavod de entrarlo en kaza i azerle todo su demenester. (Kuentos de Yerushalayim, 1923)