viktoria f.

נצחון

victory

Luego se eskrivio en el livro de la memoria, komo uzan los reyes ke lo yaman istoria: ke por mano de Mordekay vino vitoria, i no se le pago su meresimiento, no. (sova semahot, Livorno 1782)

Rogo alora Yehoshua al Dio Santo ke iziera detener al sol i a la luna onde se topavan por kontinuar en la viktoria (Meam Loez Kantar de los kantares, Const. 1899)

El evenemento fue fiestado kon una inmensa alegria por todos los ombres liberos komo una viktoria de la justisia (La boz de Turkiye, 1948)

Los esfuenyos briyantes i ermozos al ayudo ke se le va dar a kada soldado judio en tornando arrodeado de jerbes de viktoria a la patria, no fueron realizados verso la majorita de los demobilizados. (La Boz de Yerushalayim, 1954)

Se espera ke los lavoradores saldran viktoriozos segun salieron kon la viktoria ultimamente aki en Nueva York en la terrivle greva de la mizma bransha, ke izieron espantar a todos los fabrikantes de esta bransha (La Amerika 1910)

esta viktoria abato muncho el enemigo el kual aviendo mandado mesajeros, una paz fue kokluida i kontratos de amistad fueron eskritos i trokados de parte a parte (Guliver, Yerush. 1912)