vapor (1) f.

אוניה, ספינה, ספינת קיטור

ship, boat, steamer

ya se va a alevantar el vapor

הספינה מרימה עוגן; המשימה מתחילה להתקרב למטרתה; (על אדם כבד ואיטי:) סוף סוף החליט להזיז עצמו

viajar kon vapor (Nehama)

vapor de dos badjas (Moscona)

Al vapor ya entrimos, komo sardelas mos estefimos, diez dias navegimos, al Pereo dezbarkimos (En los kampos de la muerte, Violet i Sara Fintz, 1945)

De muestras kazas mos ketaron, a l'aviasion mos entraron muestros trezoros mos tomaron, al vapor mos embarkaron (En los kampos de la muerte, Violet i Sara Fintz, 1945)

Zahmet mucho se dio la grande Ingletierra / i muncho a entender dio por no deshar azer gerra / ma viendo la gezera negra / eya tambien mobilizo / vapores de askier incho / los mando en Fransia /por mantener su aliansa (La Amerika, 1915)

parte de su lugar por irse por mares kon naves i vapores (Keter Malhut, Mahzor Saloniki 1876)

El telegrafo, la vapor, el telefon, el telegrafo sin ilo, el fonografo i mil otros inventos i deskuviertas no eran ainda konosidas. (El muerto ke esta bivo, 1912)

Avian kuatro a sinko ombres vestidos komo moros de povorotas i ke estavan traendo una grande kuedra godra komo akeas de los vapores ke echan kon gancho ala oriya de la mar. (el Rizón, Salon. 1939)

Por grande ventura paso un vapor viniendo de Cuba del kual el kapitan era djudio i kon ayuda de la telegrafia sin filo sistema Markoni dio a entender Vilman su situasion kritika (La Amerika 1910)

esta era una ermoza nave a tres mastiles entera kuvierta de kovre, nueva ainda i kon un viento favoravle pudiendo kaminar mas presto de un vapor (Perdidos en mar, Yerushalayim 1907)

la nave siendo yena de merkansias para el porto en kuestion i los vapores siendo raros para el lugar, yo preferi embarkarme en la dita nave (Perdidos en mar, Yerushalayim 1907)

Kuando el vapor entrava al Porto el disho: ''Te akavido Amerika! Yo vengo por okuparte.'' (La boz de Yerushalayim, Yerush. 1953-4)

Kuando el vapor entrava al Porto el disho: ''Te akavido Amerika! Yo vengo por okuparte.'' (La boz de Yerushalayim, Yerush. 1953-4)

munchas vapores son en konstruksion i munchos seran komprados, kada uno de estos vapores puedria transportar 2500 a 3000 ombres (El Tiempo, Const. 1896)

Vapores ya van i vienen letra para mi no ay (Kalendario de kantigas)

Treser [konto], ke ay un peshkado ke se puede englutir un vapor entero, i diferentes otras vanidades a las kualas el rey se divertia de responder kon su ekspresion de siempre. (Sipure Sefarad)

Su grande plazer era de pasar oras enteras en el porto a mirar los peshkadores, o komo enkargan i deskargan los vapores. (Sipure Sefarad)