undirse v. refl.

טבע, הטביע את עצמו

to be drowned, to drown oneself

undirse en el estudio/en los penserios/en el visio

לשקוע בלימודיו/בהרהוריו/בתענוגות

Ke se unda adebasho la tierra

se trazyerraron del kamino, este se fundio en un pozo i el otro se kayo en la foya (Keter Malhut, Mahzor Saloniki 1876)

i esta nave se fundio i se murieron todos (Yede David, 1867)

el kuento del ke estava abashando ala nave i se le rompio el pie, kedo del kamino, despues vino haber ke se undio la nave (Pele Yoets I, Viena 1870)

komo toparon kon kuatro yemidjis de el kaik ke se fondio (Shaar Asher v.I, Sal. 1877)

el resto de marineros ke dita saetia i ansi patron i eskrivano i ditos 3 djidios se fundieron kon dita saetia (Responsa, Hayim Shabetay, Sal. 1851)

no me peza dela perdida de la fazienda tanto komo de un amigo mio djidio ke se fundio en dita nave ke lo keria tanto komo mi alma (Responsa, Hayim Shabetay, Sal. 1851)

kuando Sali en tierra demandi a los yemidjis: a onde estan mis haverim? me respondieron dos yemidjis: tomimos a el djudio ke estava asentado en tu lado en el sumbaki por el sovako para sakarlo a tierra i no lo podimos sakar i lo soltimos en la mar i abasho i se undio i no lo vimos mas (Darhe Noam, Venezia 1697)

Las mujeres, ke son superstisiozas, se metieron a dezir ke era Leonidas ke impidio a ke la nave se undiera, (Leonidas el nadador, 1911)

I los fransezes tomaron el oro turko i ejipsiano i fraguaron sus naves, para undirselas eyos mizmos tres anyos despues. (Leonidas el nadador, 1911)

I se undio en un esfuenyo ke turo muncho tiempo. (El Princhipiko, 2010)

El Doktor Selim keda muy abatido delante esta esena tanto esmoviente i en lugar de alegria la kaza de la boda se unde en el luto (La Boz de Turkiye, Istanbul 1948)

segula para saver si la mujer esta prenyada de ijo o ija si metera de su leche en un atuendo de agua si se fondera la leche es zahar i si no es nekeva gam el zahar aflaka la mujer en demaziado (manus. Papo, Sarajevo 1840)