triste adj.

עצוב, נוגה, עגום, קודר

sad, mournful, gloomy

Si paz no existe, se pasa la vida triste

El kapriso es un triste visio

vengan i aklaren mis tristes penserios (Gaon, Poezias)

yeno era igualmente i de tristes impresiones. (Gaon, Poezias)

por bushkar el nido de su triste rasa. (Gaon, Poezias)

kon tanta dezorden, triste i dezmelenada? (Papo, Navot)

Gritos de donzeyas tristes ke razgaron sus velos, (Papo, Navot)

visto ke entre los novios estava asentado muy triste, (Odisea)

triste, ke siempre arazga mi buen korason en mi pecho, (Odisea)

Los dias se suksiden, la vida es muy dura, su korason 'sta triste i yeno d'amargura. ('Ha-Elion: En Kampos, 2000)

portefolio vazio non puedo apiadar segun kero / yo bivo triste i ansiozo / siempre vazio, siempre duvdozo (Rekolyo de Poezias Diversas, Tel Aviv 1931)

puedes tiranizar a la bivda al meskino / al triste i abatido, kitarles el tino? / el ser vanitozo stupido i orgoliozo / inyorante insolente peresozo (Rekolyo de Poezias Diversas, Tel Aviv 1931)

Guezmo de barut se siente en Evropa / i kada uno bien triste se topa / veremos ke va ser de esta negra salata / i kualos van a komer asana bukata (La Amerika. 1913)

Ke es lo ke te manka. ke estas triste i doliente? (Meam Loez Bereshit)

I la mujer se fue a su kamino I komio I no tuvo mas su kara triste (Biblia, 1873)

Madame la dukesa de F... se chakeava kon madmuazel A... una de las mas tristes artistas de Paris. (La dam o kamelia)

Estavan agora en el anyo 1825, data de las mas tristes para la revolusion grega. (Leonidas el nadador, 1911)

Si trato deskrivirlo aki es para no olvidarlo. Es muy triste olvidar a un amigo. (El Princhipiko, 2010)

Eyos meldan la presa amerikana i aman todo lo ke es amerikano. Triste situasion. (La Amerika 1910)

sinyor Valker salia de la kaza del baron Rishard kon un aire triste, una sudor yelada korria de su frente, sus ojoos eran kolorados i kon sus manos azia munchos djestos (El prove doktor, Const. 1904)

me desplaze ke te izi traer al tino tus tristes rekordos (Anna Maria, Yerushalayim 1905)

El devenia muy triste i abatido i kitava la tabakera de tutun de su aldikera aziendo un sigaro por fumar porke le pasara la merekiya, (Hamal Izidor, Istanbul 1930)

La ora sonava ya las sesh. Izidor era muy triste, (Hamal Izidor, Istanbul 1930)

yo se kuanto la vida vos fue sido dura fin agora, i kon ke koraje vos aviash penado por topar una situasion i kual es oy el rezultado triste de tantos esforsos... (Nantes, Tel Aviv 1952)

yo kreo ke la situasion de los djidios en los diversos paizes es bastante triste por render superfluos introduksiones fantazistas desplasadas (Herzl, El estado djidio, Sal. 1931)

todo en la kamara tomo aire triste, kolorado i terrivle (Muerta de mala muerte, Yerush. 1911)

Triste 'stava la infanta mas triste de kada dia (Blanka Flor)

Tristes oras en el dia ke hazina ya kayo (Kalendario de kantigas)

No me mandes mas kartikas tristes, va kemate kon gaz konfor izites. (Kalendario de kantigas)

I la mujer primera, la ija de el haham, kedo triste i amarga de el dia de su espartir el mansevo de serka de eya. (Sipure Noraot,1885)