tripa f.

מעי; בטן, כרס

intestine; stomach, belly

asigiyir a uno fina la tripa de su madre

לרדוף מישהו עד קצה העולם (להינקם ממנו)

To hunt someone to the ends of the earth (seek revenge)

dezazer/aplayar/vaziar la tripa

לרזות מאוד

To become very thin / lose lots of weight

día bueno a la tripa!

נצל את החיים ככל שתוכל!

Enjoy life as much as you can!

echar la fyel i la miel i las tripas de hormét

לרוקן את הכל (לרבות המעיים); להטיל בוץ במישהו, להשמיץ

To empty everything (including bowels); sling mud at someone / slander

echar las tripas

הקיא את בני מעיו

Vomited his guts out

echar las tripas abasho

לאבד כל תקווה, לגלות תבוסנות

To lose all hope / show defeatism

echar tripa/echar en tripa/azer tripa/ir la tripa adelantre

לקבל בטן, להשמין

To get a belly / gain weight

echarse de tripa abasho

ליפול אפיים ארצה

To fall flat on one's face

echarse de tripa par'en alto/por enriva

לשכב על הגב

To lie on one's back

estar kon dolor de tripa

לסבול מכאבי בטן; לחוש כאבי בטן בשל חרדה מפני אירוע צפוי בלתי נעים

To suffer stomach aches / feel anxiety before an unpleasant event

estar kon la tripa en la boka/estar kon la tripa al garón (ebr.)

כרסה בין שיניה; מחכה ללידה

Heavily pregnant / ready to give birth

inchir la tripa

למלא את הבטן, לזלול

To stuff one's stomach / gorge

incir la tripa de bavas

למלא את הבטן ב"ג'אנק פוד"

To fill one's stomach with junk food

kitar las tripas

להוציא מישהו מדעתו; להכריח מישהו לעשות עבודה קשה ומאומצת

To drive someone crazy; force someone to do hard labor

no le kedo tripa

רזה מאוד

Very skinny

no tengo tripas para esto

אין לי זמן לזה; אין לי עוז לעשות זאת

I don't have time for this; I don't have the stomach/courage to do this

salir las tripas

להאלץ לעשות עבודה קשה ומייגעת

To be forced to do strenuous, exhausting labor

tener la tripa un pandero

לסבול מעצירות קשה

To suffer severe constipation

tener la tripa yena de kulevros

להגות תכניות שטניות

To hatch diabolical plans

tener las tripas enyudos/inyudos

לחוש מועקה גדולה

To feel great anguish / heavy burden

tener las tripas kortadas

לחלות מרוב מרירות ורוגז

To get sick from bitterness and anger

tener las tripas s.hueltas

מעיו רפויים; לעשות פעולת מעיים בלי כל מאמץ

Bowels are loose; having effortless bowel movements

tener tripas anchas

דבר אינו מטריד אותו; להיות בעל טבע אופטימי

Nothing bothers him; having an optimistic nature

tener tripas estrechas

לראות שחורות, להיות פסימי

To see black / be pessimistic

tripa seka

עקרה

Infertile / barren woman

tripa siega

המעי הגס

Colon

tripas

מעיים, קרביים

Intestines / guts

tripas de sharope (port.)

אדם מתקתק; טוב מזג

A sweet-talker / good-natured person

vaziar las tripas

להקיא; לשלשל

To vomit; suffer diarrhea

bendichas tripas de madre ke tal parieron (Nehama)

tripa amarga embeve i enkalka! (Nehama)

ya me izo las tripas migajas (Moscona)

ya esta la tripa en la boka (Moscona)

dia bueno a la tripa (Moscona)

tripa vazia - el korason sin alegria (Moscona)

bindicha tripa de madre ke tal ijo pario (Moscona)

Si las tripas non puede inchir ke vale tefila sin hayir

Mas deznudo kayi de la tripa de mi madre

Tiene tripas buenas

Djoha izo una bodika, todo para su tripika

Kuantos bukados kaven en la tripa i uno mas

El dia bueno echalo a la tripa

Korta la Amida por dizir ke vos erguela la tripa

Bendichas tripas de madre, ke esto parieron

El ojo mas ambriento de la tripa

El lovo izo una bodika, todo para su tripika

Tripa vaziya, korason sin alegriya

Regoldea la mi nuera kon la tripa yena

nasido de tripa ken ke este sea (Gaon, Poezias)

i su tripa es partida i su yubre es salida i su karne es komida del guzano de la tierra (Tarika, Shira Hadasha, Izmir 1861)

tanto gusto eya tomava kuando en tripa eya estava, un sirio le arrelumbrava ke vea toda la tierra (Tarika, Shira Hadasha, Izmir 1861)

El fruto de tu tripa, todo el puevlo, vash a ser komo el monton de trigo vayadeado (enturnado de pared) de rozas, (M''L Kantar de los Kantares,1899)

se bezerearon; un dia alevanto uno de eyos una piedra i le dio en la tripa i lo mato (Shaar Asher v.I, Sal. 1877)

No saves tu komo Sara era reuya para ti de kuando nasio de la tripa de su madre i eya es tu haver i mujer de tus mosedades (P. R. Eliezer,1876)

i el godro mansh?n ke eskondia sus manos i ke eya apegava en su tripa, (La dam o kamelia)

Antes de un punto komo ke son salidos de una tripa se tienen amistad i sus amistades se arregan en todos sus puerpos (Asolado en la izla, 1881)

Ke mire senyor un momento, repliko el fakino, el ke tengo al lado de mi tiene dolor en las tripas, tiene durera, no esta indo bueno, ke le eche una siringa, (Hamal Izidor, Istanbul 1930)

A la tripa de muestra madre si mos vamos a ir, el mos va anferrar!'' (Djoha ke dize)

A la tripa de vuestra madre si vos iash, yo vos topava!'' (Djoha ke dize)

ya es savido ke la kavesa de kavra da un pilisko de tripa ke afuera las karas, (Sipure Sefarad)

ke este se olvido del bichki de tripa (Sipure Sefarad)

Malanya tripa de madre ke tanta ija pario! (Blanka Flor)

segula para la mujer ke se le murio la kriatura en la tripa: ke la safumeen kon soa de hamor preto asta ke le entre el guezmo en la tripa del fumo (manus. Papo, Sarajevo 1840)

segula para la mujer ke se le murio la kriatura en la tripa: ke tome fyel de buey ke lo meskle kon vino bueno i ke le den a bever (manus. Papo, Sarajevo 1840)

segula para la mujer ke tiene huerte parto: ke le aboke la kavesa para abasho asta su tripa o ke le den a bever un findjan de leche de mujer otra (manus. Papo, Sarajevo 1840)

segula para la mujer ke tiene huerte parto: ke meta mujer otra su mano sovre la tripa de la mujer ke esta pariendo i ke diga eya kon la parida siete vezes pasuk este: ve-'hu ke-hatan yotse me-hupato (manus. Papo, Sarajevo 1840)

segula si se le detuvo su tripa a la kriatura de ir del kuerpo: ke koma la alechadera kozas visiozas i dulses i se akavide de kozas agras i ke le agan para el ninyo una mecha de sal o de soa de ahbarim (manus. Papo, Sarajevo 1840)

Segula kuando guele la tripa: es bueno para meter sovre la tripa pan kayente kon vinagre huerte ke verta el vinagre sovre el pan enmientre ke esta kayente i kale ke sea vinagre huerte de vino i ke eche el karar ke enbeve el pan (manus. Papo, Sarajevo 1840)

Segula kuando guele la tripa: ke tome pan kozinado kon leche i tanbien safran tov i lo blanko del guevo i ke kozine todo endjunto kon la leche i ke se meta en la tripa (manus. Papo, Sarajevo 1840)

Segula para traer sudor al hazino: ke le frege la tripa kon yedjma kuzinada bien buyida (manus. Papo, Sarajevo 1840)

Segula tres piedras son mesugalot eyas: la segunda piedra se topa en la tripa de el pasharo kuadrines (?) i eya amostra a dos kolores i kolor korelada i preta i si la enshaguaras kon vino bueno i la entraras entre el ojo se le esklareseran los ojos i tornara a la manseves i aprovecha a el ke la yeva enriva para dolor de korason i para apreto i muchigua alegria i kita el frio (manus. Papo, Sarajevo 1840)

Refua para la prenyada ke no mova la kriatura ke tiene en la tripa: ke tome dientes de una muchacha ke le kayo antes ke toke en la tierra, ke metan ditos dientes en un plato de plata o de oro, despues ke los enkolge ditos dientes la prenyada sovre eya i non movera (manus. Papo, Sarajevo 1840)

Segula: la yerva ke la yaman menta es bueno ke koma kada manyana paramor de la tripa tanbien el sumo sierve mesklado kon miel para lavar los guevos abufados gam para dolor de la urina es bueno (manus. Papo, Sarajevo 1840)

refua para la mujer ke enprenye: toma ajo blanko i muele a el kon miel i az a el una mecha i ke lo entre en su tripa i ke lo deshe ayi asta dos oras, despues ke se lo kite i ke se lave kon vino i ke sea meshamesh lugo kon su marido i enprenyara (manus. Papo, Sarajevo 1840)

segula para saver si la mujer es pertenesiente para prenyes: ke meta raizes de ajos machukados de su kashika betoh de la tripa i desoues de 3 dias ke lo kite i ke guela, si tiene guesmo de ajo estonses es pertenesiente a resivir el prenyes (manus. Papo, Sarajevo 1840)