travajar v.

עבד, עמל; קיים יחסי מין

to work, to labor; to have sexual relations

el travajan kon el barro, aze formas kon su mano (Moscona)

me asento verguensozo travajar en la Ley Santa. (Gaon, Poezias)

travajando en el ofisio de manyana asta la tadre, (Toledo, Koplas de Yosef)

De estonses asta agora, travajando por Israel. (Donme, sig 18)

Leolam travaje el ombre en la ley si es ani ai es riko (Menorat 'Hamaor, 1762)

En lugar de travajar en la ley lo ke save .. enplea su zeman labatala en djugar tavle i kartas (Shevet musar, Const. 1740)

asta agora tuvieron repozo i deskanso ke non travajaron en shabat (Meam Loez Shemot I)

ya es savido ke todo los djidios, tanto el menor djidio komo el sinyor rav grande, estuvieron travajando en el baro i en los adoves (Imre Bina, Belgrad 1837)

ay de eyas ke su ovligo es en la boka komo meldar kriat shema i tefila i travajar en la Ley i tanyer shofar enel yovel i asemejante de estas mitsvot (Meshivat nefesh I , Const. 1743)

i agora ke torno la nave me yamo el raiz a travajar en la nave i travajando, be-et 'ha-ohel le demandi a el raiz: el djidio ke te di de aki en tu mano fue salamet en Mitsrayim? (Beer 'ha-Mayim, Sal. 1836)

a tres oras de noche echaron ankora, pensando seria mijor i no pudieron sekar la agua de dientro i travajaron fasta las dies oras (Responsa, Hayim Shabetay, Sal. 1851)

ke salvo por travajar en la ley por resivir presio konplido a el mundo ke viene delantre Senyor del mundo. (Koelet Targum,1744)

Nada de nadas el mundo el este, nada de nadas, todo lo ke travaje yo i David mi padre, todo el nada. (Koelet Targum,1744)

todo el ke travaja en la Ley sus aziendas le prosperan a el ([Mishnayot], Seder Maamadot, Viena 1821)