tanto adj.

כה הרבה

so much

ay tantos proves ke no se puede arremediar a todos (Nehama)

avia tanta djente ke no se puedía kaminar (Nehama)

tiene tantos embrolyos ke no save onde dar la kavesa (Nehama)

no te des tanta pena (Moscona)

Kuantos pare Mama, tantos kere Tata

de esta pekenya tanto dezeada. (Gaon, Poezias)

Estas tantas bondades de Dios me toman el tino; (Papo, Navot)

Ken vos disho ke penesh? Tantos dinim ke tenesh bivir no estas deshando, tanto vas enshugando. (8 dias antes de Pesah, 1909)

ke ansi esta enkomendado tanto povre komo riko. (Gizados de berendjena, siglo 18)

Ke kon tal gran gerra de tantos dias, askier de tantas vias, su sensia baldada, ke no izo nada. (Zimrat 'ha-Arets, 1745)

i su puerpo es mas grande de el puerpo de tierra sien i setenta tantos segun amostrasiones (Keter Malhut, Mahzor Saloniki 1876)

ke dire yo ke lo tengo en mi kaza tanto tiempo, i de su desfilo me adolensyi? (Meam Loez Bereshit)

kada uno bushka dos tantos mas de lo ke tiene (Meam Loez Bereshit)

En tantos anyos ke estuvistes en akel mundo, (Meam Loez Bereshit)

para esto en tanto, deve pasar la parasha kon targum, segun avizare (Meam Loez Bereshit)

ke tanto de dia, tanto de noche iva aziendo la luvia de los sielos (Meam Loez Bereshit)

A tanto ke todo lo ke siente de boka de algun haham, aun ke sea pasuk klaro, (Meam Loez Bereshit)

a tanto ke afilu el avel, ke no tiene odren de meldar ninguna lision (Meam Loez Bereshit)

i nozotros azemos tantos taaniot i esklamamos al Sh.Yit. i no nos responde (Hovot 'ha-Levavot, Const. 1569)

disho [...] a los goyim: tanto pan i sal ke komistesh kon mi ermano (Bet David, Sal. 1740)

I el prezente de Binyamin era sinko tantos mas (Biblia, Const. 1873)

Nahum el madi dizien ensenderan kon sevo kozinado i savios dizientes tanto kozinado i tanto ke non el kozinado non ensenderan kon el. (Mishna: Tefilat kol Pe 1874)

I fue, ke en el dia sesheno akojieron dos tantos de pan, dos omeres para kada uno; (Biblia, Const. 1873)

I ensendio los tizones i solto las rapozas en las mieses de los Pelishteos i kemo tanto fasinas komo mieses, i vinyas i olivares. (Biblia, Const. 1873)

Ah ! porke eya pario a esta ija? porke la amava tanto? (Rolando i Eleonora, 1953)

es muy interesante ke en la turkia, onde ay tantos sefardis esta komida no es konesida. (La mujer sefardí de Bosna, 1931)

dezde tanto tiempo las ventanas avian restado serradas! (La sinyatura del kontrato, Yerushalayim 1907)

Malanya tripa de madre ke tanta ija pario! (Blanka Flor)

segula para ken esta en sar tanto uno tanto munchos: ke diga el salmo de 20 dodje vezes i tenga kavana; despues ke diga en la alfa-beta todos los pasukim de las letras de su nombre (manus. Papo, Sarajevo 1840)

segula para la mujer ke tiene huerte parto: ke le den leche de perra mesklada kon agua a bever i luego sarla la kriatura tanto bivo tanto muerto (manus. Papo, Sarajevo 1840)