tadrar v.

איחר; דחה

to be late; to postpone

sin tadrar

בלי דיחוי, מיד

tardar

454100

kuando tadran las luvias, tadran las plantas/los trigos/los frutos (Nehama)

kuando fiksates ora es mankura de tadrar (Moscona)

no me asperes porke vo tadrar (Moscona)

Las echan de las kamas. Un chay, i a la kaye. Appel! Es maloroza kien tadra, kien se kaye. ('Ha-Elion: En Kampos, 2000)

akontesio ke tadraron demaziado akel dia. (Toledo, Koplas de Yosef)

Shabat devemos guadrar kon grande kudiado / si tadra la rehmision es de este pekado / mismo el ke es forsado / deve repozar / el djudesmo bien guadrar / al savio oyeremos / todo bueno alkansaremos (La Amerika, 1911)

ken tadra de kazar no puede livrar de dezbrochar zera entre su ropa, (Meam Loez Bereshit)

i por esto fue tadrando en su kriyansa semejante a ken kere azer una koza muy estimada (Meam Loez Bereshit)

ke si tadravan un poko mas mis ermanos me topavan enserrado ayi ke no podia mas salir. (Tokpo shel Yosef, Yerush. 1887)

le fui a demandar a un mumar ke se yama Usen, ke de antes se yamava Yosef Ashkenazi : ke es ke tardastes de venir fista agora? (Bet David, Sal. 1740)

La madre de Sisera katava por la ventana, i alguayava por la resha, diziendo por ke se tarda su kuatrigua de venir? por ke se tardan las ruedas de sus kuatriguas? (Biblia, Const. 1873)

Un grande numero de komunidades ke avian tadrado a fuyirsen, santifikaron kon sus muerte el Santo de Israel, (Vaye de los yoros, 1935)

no diremos ke entre los sien non ayga uno ke se komporte de esta manera, ma es aborresido de todos i no tadra de kayer (La Epoka, Sal. 1875)

de fato la tempesta no tadro a venir, la luvia kaiya a chorros, el pedrisko harvava de todas las partes i un fuerte aire deskarrankava arvoles, plantas i abolava todo (La Epoka, Sal. 1900)

kuanti mas tadravamos mas negro era (Anna Maria, Yerushalayim 1905)

perseverando en sus esfuersos de asigurar a las populasiones de su imperio el bienestar moral i material su maestad el sultan ordeno este anyo la aplikasion de nuevas i importantes reformas en la administrasion del pais i ke no tardaran a dar rezultados muy salutarios (El Tiempo, Const. 1896)

El konde ke fue yamado non tadro la su venida, (Blanka Flor)

Los rezultados no tadraron i esta fue la razón ke izo mandar vente pashas por ke tomen muestra komo deven de governar kuando serán nominados por valis. (Sipure Sefarad)

Rahelu, su mujer, lo enkontró i le demando porke tadro tanto. (Sipure Sefarad)