sultán m.

סולטן, שולטן

Sultan, Sultan

En su fuego del Goel Shabetay Nafshi kon mi puerpo i lo ke ay, ayudara Goel Tsevi Shabetay, el es malhut Tsevi Sultan Shabetay. (Donme, sig 18)

Bendigamos a el Dio santo I poderozo / i rogemos ke mos de alegria i gozo / ke renda gloriozo al nuevo sultan / porke es ombre muy neeman / del Dio sea enshalshado / i siempre alavado (La Amerika, 1911)

Ribi Moshe ben Maymon fue nominado Mediko del Sultan Salahattin en el Cairo, (El Gid,1967)

i ansi oyimos i supimos en esta milhama ke uvo en anyo de 5614 [1854] ke adonenu 'ha-meleh 'he-hasid sultan Abdul Medjit kon mas melahim [...] odrenaron gerra kon el rey de la Rusia (Meam Loez Yeoshua II, Izmir 1870)

Es en akea epoka ke el sultan de Kostan i el pasha del Ejipto, ke estavan en buenas relasiones, tuvieron mandado a fraguar naves de gerra en Fransia. (Leonidas el nadador, 1911)

Vidi el Sultan asentado en un trono de oro a una meza de oro komiendo de un plato de oro (Otniel Hodja, 2002)

Su maestad el sultan vijitara proksimamente la sivdad de Andrinopla al efeto de kualo se azen grandes aparejos en la sivdad (La Amerika 1910)

Komo Maria ke es agora una sultana onorada - respektada, delantre la kuala tembla el emperio entero, kerera verme? eya no achetaria nunka a seguir un prezoniero, un ombre persigido (Gul Bahar, Tel Aviv 1953)

se dize ke el Hedive aze ver klaramente su intension ke tiene de ayudar siempre kon toda su fuersa a su sinyor el sultan por todos los puntos de politika (El Tiempo, Const. 1877)

a los numerozos titolos de profunda gratitud i de grande venerasion ke su maestad el sultan se gano dela parte de sus suditos mientras su gloriozo reino vino de adjuntarse este anyo un otro (El Tiempo, Const. 1896)

me rezervo de tomar todas la mezuras utiles para ke mis deritos sean respektados komo deven de serlo los deritos de todos los suditos fieles de maestad el sultan (La Epoka, Sal. 1900)

Lo entraron delantre el rey. De rudias, este vino asta el trono, bezo la alda de la djube del sultan i le diso: (Sipure Sefarad)

El sultán kedo muy intrikado de este hidush i mando ke lo yamen al mandradji para entender el sekreto de la kashika, (Sipure Sefarad)

En un paiz leshano reinava un sultán mansevo, bueno de korason i piadozo, ke todo su dezeo era de ver al puevlo kontente i feliz. (Sipure Sefarad)

Sultán efendi, el Dio ke te ayege a ver todo lo bueno ke keres ver en tu puevlo! (Sipure Sefarad)