solo adj.

בודד, מבודד, גלמוד

Lonely, isolated, solitary

kedar solo

להיוותר גלמוד באין איש עימו

pan solo

לחם בלבד בלי כל תוספת

ser solo i sekado/solo i asolado

להיות בודד וגלמוד

un Dio solo i mi alma lo saven

רק אלוהים ונשמתי יודעים מה עבר עלי!

un ombre solo/una mujer sola

גבר רווק/אשה רווקה וללא ילדים

uno solo no pelea

בשביל מריבה צריך שניים (קשה לריב אם הצד השני בורח מפני ריב)

mas vale solo ke mal akompanyado (Nehama)

solo asolado (Moscona)

guay del solo kuando kayere i no ay sigundo para levantarlo (Moscona)

mas vale solo ke mal akompanyado (Moscona)

El Dio de los sielos ke solos non mos desha

Banyo solo, paseyo kon djente

Bien venido seas mal, si vienes solo

Ken solo djugo, nunka se inganyo

Mas vale solo ke mal akompanyado

Me konsolo ke no so solo

Un lenyo solo ni amata ni ensiende

Ma non un solo punto, le sale de sus mientes, ke muerte temeroza toparon sus parientes. ('Ha-Elion: En Kampos, 2000)

I Vinieron ande el haham i lo toparon ke el haham estava solo en el bet 'ha-midrash, meldando kon muncha kedusha i taora [puri?kasion] kon la kavesa entre sus piernas. (Yosef de la Reina, manus. Chorlu 1893)

ke es el echo ke mos desharon solos la manseveria de los hahamim? (manus. Minhat Ani, Yerushalayim 1880)

no bueno azen akeya djente ke azen sus seudot en yom tov en kazas de sus amigos i deshan su mujer i sus kriaturas solos en sus kazas (Pele Yoets I, Viena 1870)

No djuzgas solo porke el Dio solo djuzga (Tefilat Imanuel, 1924)

Eya arrivava siempre al ''Shan Elisee'' sola en su karosa, (La dam o kamelia)

Tu ya saves ke mi solo bien en el mundo sos tu, ke tu sos mi solo amor. (Rolando i Eleonora, 1953)

mi ija no kedara sola, maloroza, maltratada puede ser (La sinyatura del kontrato, Yerushalayim 1907)

kandidados solos o akompanyados de sus padre ... o sus tutor se prezentavan por demandar si ya era la ora del voto (La Epoka, Sal. 1900)

Kere dicho tambien, ke sigun los uzos de akel paiz, esta konsesion se podia azer una sola vez. (Sipure Sefarad)

Kon el tiempo i a las ijas les salió el mazal ansina ke los viejos kedaron solos. (Sipure Sefarad)

Ken kedo solo i asolado mas ke el rav i su mujer? (Yihya al Akra, Manus. Yerushalayim 1920)

Sekana para durmir en una kaza solo afilú en el dia (manus. Papo, Sarajevo 1840)