soldado m.

חייל, איש צבא

Soldier, military man

lo tomaron soldado (Moscona)

En viendo las banyeras, los postos, los soldados, kon armas en sus manos i perros a sus lados, ('Ha-Elion: En Kampos, 2000)

Se ferira el puerpo. Se kedara echada. Se fuyira del rango. Ensultara soldada. ('Ha-Elion: En Kampos, 2000)

Inda romano i bulgar no se avian dechidido / por salir a gerrear mucho avian kijido / ma el romano dezvanesido / kaje ke va empesar / el kontinua armar / a todos sus soldados / por tenerlos aprontados (La Amerika, 1915)

Pero es solo kon sus sangre, ke los soldados Israelitas afirmaran i daran la vida a la desision tomada por el O. N. U. (La boz de Turkiye, 1948)

David Teori, miembro de la mifkada (komandanlik) del Etsel, ke era nominado a la klasa de los soldados, se enkontro kon Dov Gruner, ke ya se konosian de Rosh Pina, i lo retorno a Dov a ser aktivo en Palestina, (La Boz de Yerushalayim, 1954)

Los esfuenyos briyantes i ermozos al ayudo ke se le va dar a kada soldado judio en tornando arrodeado de jerbes de viktoria a la patria, no fueron realizados verso la majorita de los demobilizados. (La Boz de Yerushalayim, 1954)

el ijo fue examinado por un mediko, viendo ke el era saludozo, el fue en akel dia mizmo vestido vestidos de soldado a servir en la armada (El rey i el shastre, Yerushalayim 1903)

mozotros savemos ke la kuenta de los soldados deve ser djusta i ke ninguno manke (El rey i el shastre, Yerushalayim 1903)

Mientres ke nuestros ermanas estan deznudas en Saloniko i son ovligadas de vender sus kuerpo a los soldados el ''Sephardic relief committee'' komete el krimen de guadrar la moneda en sus poder, kedar indiferente i endulcharse en polemikas verguensozas (La Boz del Puevlo, 1918)

una noche una trupa de soldados i polises segyidos de un empiegado de la komunita israelita se rendieron a la kaza de Mendel (El rey i el shastre, Yerushalayim 1925)

al otro dia, Filip Blanshard, devinido soldado volontario (gonulu) abraso su viejo padre , su mujer i su ija, i partio (La dezgrasiada Luiza, Tel Aviv 1953)

un grupo de soldados atirados por la dubara i los gritos korrieron sovre el lugar del ensidente i arrestaron a los dos malazedores ainda shashireados por las bastonadas (Gul Bahar, Tel Aviv 1953)

la armada edjisiana se topa bien organizada i eya no tuvo tan grande numero de soldados (El Tiempo, Const. 1877)

si en kavzo se deklara la gerra de embiar soldados mihumat i mismo armas (El Tiempo, Const. 1877)

en aviendo gerra el Hedive puedra embiar una grande kuenta de soldados (El Tiempo, Const. 1877)