situasión f.

מצב, עמדה

Situation, position

es de buena situasion (Moscona)

la situasion se le va agravando de en dia en dia (Moscona)

Si una persona no tiene la situasion (vaziyet) para tener en la meza de shabat peshkado, karne i vino, no ay menester ke se empreste [...] (El gid, Istanbul 1967)

asta ke la situasion ekonomika del Governo es mejoreada. (El Tiempo, 1924)

Inglaterra: Pueden afirmar ke mientras la ultima anyada la situasion del djudaizmo en este grande reinado fue mas favoravle ke la presedente. (El Tiempo, 1924)

Una nueva situasion era kriada a los katolikos en este tratado ke kontenia siertas estipulasiones de derechos privatos (La boz de oriente, 1931)

Eyos meldan la presa amerikana i aman todo lo ke es amerikano. Triste situasion. (La Amerika 1910)

Agora el ambre, la fatiga lo forsavan a azer non emporta ke echo fuera, i siempre en pensaudo kon la idea ke el azeria su fortuna en la primera situasion venidera, el non demandava emprimero ke pan i algo por bivir en Paris. (Nantes, Tel Aviv 1952

el se avia abrigado aya bushkando lo barato, i komiendo poko, desidado a bivir ansi asta pueder toparse una situasion kualunke, (Nantes, Tel Aviv 1952)

en la sivdad de Hazat la situasion de los israelitas es todo loke ay de mas peor (El Tiempo, 1896)

el se aviya abrigado aya bushkando lo barato, i komiendo poko, desidado a bivir ansi asta pueder toparse una situasion kualunke(Nantes, Tel Aviv 1952)

ma bien graves i eskandalozos ke se pozan a la atansion de todos los verdaderos pasionozos del bien del puevlo i ke azen ver el tablo amanziante dela situasion ke mos espera en un avenir non muncho leshano (Renasensia Djudia, Sal. 1920)

la responsabilita veramente grande de esta situasion perikuloza reviene en primer lugar a muestro famozo konsilio komunal ke non aze la minima tantativa por kontrolar todo loke se esta aziendo, por las diversas komisiones i por los diversos funksionarios (Renasensia Djudia, Sal. 1920)

Non es ke demandava a venderse antes una ora?... I Bien agora ya venian a merkarlo. El dara su nombre, le daran una situasion. Esto era un kontrato komo todo otros. (Nantes, Tel Aviv 1952)

yo se kuanto la vida vos fue sido dura fin agora, i kon ke koraje vos aviash penado por topar una situasion i kual es oy el rezultado triste de tantos esforsos... (Nantes, Tel Aviv 1952)

La Lishkat Avoda djunto kon el Ministerio del Lavoro del governo azen todos los esforsos por pujar los manaderos de lavoro i amejorear la situasion difisile de los sin-echo, (Manifesto de Lishkat a- Avoda, Tel Aviv 1950)

yo kreo ke la situasion de los djidios en los diversos paizes es bastante triste por render superfluos introduksiones fantazistas desplasadas (Herzl, El estado djidio, Sal. 1931)

eyos estan en el komercho, ven la situasion de kada uno, la difikultad ke es oy para ganar el pankon las manos vazias (La Epoka, Sal. 1900)

el era mi mijor konsejero i si yo eskuchava los apresiavles konsejos ke el me dava, agora no me toparia en esta desgrasiada situasion (Manon Lescaut, Yeru. 1906)

A la fin, dechizo de meterlo por vali, si no por otro, por ver si va trokar la situasion, siendo el mandradji se le vido persona buena i intelijente de natura. (Sipure Sefarad)

Ma por dezplazer la prova no reusho, la situasion del puevlo no amijuro. (Sipure Sefarad)

Ansí el Rabino, sin entenderse de kestiones de finansa, dio un konsejo ke rezolvió la situasión. (Kuentos, 1986)